ZAWHÂNA 17:14 - Mara Bible RV (BSI)

¹⁴ Na bie ama hnohta pie ha ei na ta, kei khizawpa ei châ leipa hawhna heta, âmo chhao khizawpa ama châ leipa vâta, khizaw ta âmo cha amâ hao.

ZAWHÂNA 17:14 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

BIESOZY 29:27

Chyhsa doleipa cha mosiapa châta pasichhihpa châ ta, Chyhsa dopa chhao moleipa châta pasichhihpa a châ hra.

ZEKARIA 11:8

Châhrasala thla kha chhôh ta vaituhpa pathôh ei pabâh ha ei. Ama chô liata ei palôh chhâ kaw ta, âmo chhao ta eina ai kaw hra ei.

MÂKA 10:39

Âmo ta a hnohta, “Eima tao thei aw,” tah ei ta. Zisu ta ama hnohta, “Ei nyu dopa cha doh thei aw ei chi ta, ei bâtina liata chhao namâ bâti thei ngyu aw.

ZAWHÂNA 17:16

Kei khizawpa ei châ leipa hawhna heta, âmo chhao khizawpa châ veih ei.

ZAWHÂNA 17:8

Bie eina piepazy chi kha ama hnohta pie na ta, a pyh ei ta, nâ tawhta a puapa ei châ tahpa â dopa ta pahno ei ta, nâ ta eina tuah chi tahpa amâ ngiapâ haw.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

ZAWHÂNA 8:23

Zisu ta ama hnohta, “Nâmo cha ry lâ tawhta a puapa châ ei chi ta, kei deikua cha, chô lâ tawhta a puapa ei châ. Nâmo cha khizaw tawhta a puapa châ ei chi ta, kei deikua cha, he khizaw tawhta a puapa châ va na.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 3:13

Unawhzy saih u, khizaw ta a châ haopa vâ ei ta nama noâh khah sy.