ZAWHÂNA 17:13 - Mara Bible RV (BSI)

¹³ Tahmâ nâ lâ ei vaw di daihmâ haw. Ei lyna âmo liata â ki thei nawpa ta, he biezy he khizaw liata ei reih.

ZAWHÂNA 17:13 ပူးပေါင်းရင်းမြစ်များ

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

HLAZY 126:5

Mothlih chhaota chi a tupazy cha, Thaphapa ta ama hria aw!

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 15:11

Ei lyna nâmo liata y thlâh ha sala, namâ lyna â ki nawpa ta, he biezy he nama hnohta ei reipa a châ.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 17:11

Kei la khizaw liata y khao aw va na, he sahlao deikua cha khizaw liata y chy aw ei ta, kei cha nâ lâ ei vaw di ha aw. Ei Paw Pathaihpa y, nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, nâ ta eina piepazy chi he na moh ta hrôbieh mah y.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

ZAWHÂNA 7:33

Zisu ta, “Buakhata nama hnohta y via chy aw na ta, nâ tuahtuhpa lâ ei sie aw.

HMOTAOPAZY 13:52

Chatanachata pachupazy cha alyna nata Thlahpa Pathaihpa ta bie ei ta.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

1 ZAWHÂNA 1:4

Eimâ lyna â ki thei nawpa ta, he biezy he eima roh.

2 ZAWHÂNA 1:12

Nama hnohta bie hluhpi ro awpa hnei hraw sah la, châhna nata châti hmâpa ta roh hlei aw va na. Eimâ lyna â ki thei nawpa ta, nâmo lâ a vy ta, hmiachhypa ta bie cha chho awpa ei tlao ei chhuah.