ZAWHÂNA 16:33 - Mara Bible RV (BSI)

³³ Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 16:33 ပူးပေါင်းရင်းမြစ်များ

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

MIKÂ 5:5

Ano cha ama thlalôhna a châ aw. Asuria ta eima râh lâ a vypa ta, Eima abei ozy a tlypâ khiahta cha, Ano a dyuh awpa ta, Mietaku vaituhpa pasari pathyu aw pi ta, Beimachâ pacharie eima pathyu aw;

MATHAI 9:2

Chyhsa thokha ta asypa pakha a rakhô chhaota ano lâ a vaw sy ei ta. Zisu ta amâ ngiapâna a hmô nahta, asypa hnohta, “Ei sawchapawpa, thlalôhpa ta y mah y, na moleinazy a ngiahthaipa a châ haw,” tah ta.

LUKA 19:38

“Abeipa moh ta Bei a vypa cha reithaipa ta y mawh sy! Vârâh liata thlalôhna charei sala, chônôchaipa liana khita rônahna y mawh sy!” tah ei ta.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:11

Pachiana kyh liata ama thaileichâna cha, khizaw ryureituhpa he a thâtih pachiapa a châ hapa vâta a châ.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.

HMOTAOPAZY 27:22

Chatahrasala tahmâ thlalôhpa ta y awpa ta ei cha pasyu ei. Nama hry liata ahy hmah hrona pahlei aw veih ei chi, balyh deikua cha a rao aw.

HMOTAOPAZY 27:25

Chavâta pupa saih u, thlalôhpa ta y teh u, Khazohpa a ngiapâ na ta, eina chhopa hawh tlai ta a y aw.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

2 KAWRINI 1:3

Eima Beipa Zisu Krista Khazohpa nata Paw a châpa, zawngiahna Paw nata thlalôhna to Khazohpa cha reithaipa ta y mawh sy.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

2 KAWRINI 2:14

Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

2 KAWRINI 6:4

Khazohpa chakaotuhpazy eima châpa hawhta, kyh to liata chyhsa modypa ta eima y. Thata pasa taona liata zy, riethei taona liata zy, rairuna liata zy, pachârôhna liata zy;

2 KAWRINI 7:4

Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

1 THYSALAWNIKA 3:4

Nama hnohta eima y nona kha, pasa a tao awpa eima châzie cha chho tyh pi ta, nama pahnopa hawhta, cha hawhna tlai chata a vaw tlôpa a châ.

1 THYSALAWNIKA 3:7

Cha vâna chata, unawh saih u, eima nôpona nata pasataona zydua hry liata, namâ ngiapâna vâta thlahpalôhpa ta eima y haw.

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

2 TIMAWTHY 3:12

Hmeiseih ta la, Khazohpa khozie hawhta Krista Zisu liata hro a chhuahpa zydua cha taolana amâ tyh aw.

HEBRAI 11:25

Bohpi leipa chhôh molei phasana liata lôhrâ a patlôpa hlâta cha, Khazohpa chyhsazy hnohta taolana tao awpa tlao a tlyh ta.

HEBRAI 7:2

Abarahâ ta a hraona sôh zydua tawhta su hrawh su kha a hnohta a pie. Melkizade cha a moh yzie tawhta siana bei châ tua ta, hnôhlâ ta Salem bei tahpa a châ. Salem bei tahpa cha adyhna bei tahna a châ.

1 PITY 5:9

Khizaw zydua liata nama unawhzy chô liata chhao, cha hawhta pasataona cha a tlô hra tahpa pahnopa ta, ngiapâna liata â ipa ta y u la, ahripa a dyuh teh u.

1 ZAWHÂNA 2:13

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, moleina nama tiah hapa vâta, nâmo lâ ei vaw roh. Sawzy saih u, Paw nama pahnopa vâta, nâmo lâ ei vaw roh.

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

1 ZAWHÂNA 5:4

Khazohpa sapa maihta khizaw ama tiah tyh. He he khizaw pahniepa ta eima tiahna cha a châ, eimâ ngiapâna hih.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.

RYUREITUHPAZY 3:2

Adyuhna a pahno mâh leipa Izarei chhâ vaw y lymâ awpazy ta adyuhzie ama pahno thei nawpa ta, pachuna châta pahlôhpa ama châ.