ZAWHÂNA 16:32 - Mara Bible RV (BSI)

³² Pachâ teh u, a daihti â hnia haw, tlao a vaw tlô haw. Cha tita la nama o chyu lâta pai khai aw ei chi ta, kei dei ta eina siesai aw ei chi. Châhrasala kei dei ta y va na, ei hnohta Paw a y.

ZAWHÂNA 16:32 ပူးပေါင်းရင်းမြစ်များ

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MATHAI 26:31

Zisu ta ama hnohta, “‘Mietaku vaituhpa thie aw na ta, mietaku zaw ama pai aw,’ tahpa ta ropa hawhta, tazâ tlai heta nama zydua ta eina paosai khai aw ei chi.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

MÂKA 14:27

Zisu ta ama hnohta, “‘Mietaku vaituhpa tu aw na ta, mietakuzy ama pai aw,’ tahpa ropa hawhta, nama zydua ta nama pao khai aw.

MÂKA 14:50

Chatawhcha pachupa zydua cha Zisu a paphasaipa ta, a râsai khai ha ei ta.

ZAWHÂNA 12:23

Zisu ta âmo cha a chhy ta, “Chyhsa Sawchapawpa parônahsapa ta a y nawpa daihti a tlô haw.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

ZAWHÂNA 16:25

“Cha biezy cha pakhona ta nama hnohta ei reipa a châ. Pakhona bie ta cha chho khao leipa ta, a siapa ta Paw thâtih nama hnohta ei rei nawpa daihti a vaw tlô hai.

ZAWHÂNA 16:31

Zisu ta âmo cha a chhy ta, “Tahmâ cha namâ ngiapâ ha ma?

ZAWHÂNA 19:27

Chatawhcha pachupa hnohta, “Moh teh, na nô khawh!” tah ta. Cha daihti tawhta pachupa chata Zisu nô cha a o lâ a chhi ha ta.

ZAWHÂNA 20:10

Chatanachata pachupazy cha ama o lâ chyu a di ha ei ta.

ZAWHÂNA 4:21

Zisu ta a hnohta, “Chanô, ei bie zo teh. He tlâh cheingei leipa liata chhao, Zerusale khih cheingei leipa liata chhao, Paw namâ chhy nawpa daihti a vaw tlô hai.

ZAWHÂNA 4:23

Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

ZAWHÂNA 5:28

Chazy cha nama noâh khah sy, a daihti a tlô daihmâ. Cha tita thlâ liata a ziapa zydua ta a ao thei aw ei ta,

ZAWHÂNA 8:16

Ei pachiapa chhao ta, ei pachiana cha â do. Kei dei ta a pachiapa châ leipa na ta, nâ tuahtuhpa ei Paw nata hmaohkha ta eima pachiapa a châ.

ZAWHÂNA 8:29

Nâ tuahtuhpa cha ei hnohta a y. Ano a palysapa hmozy ei tao lymâpa vâta, na siesai beih vei,” tah ta.

HMOTAOPAZY 21:6

atlâhna bie reih pi ta, keimo balyh lâ kiah pi ta, âmo o lâ a di ei ta.

HMOTAOPAZY 8:1

Sawla chhao ta Stiphana ama thie awpa cha paryhsa ta. Cha noh tawhta, Zerusale liata Awnanopa cha taolana thata a tyh pathao ta. Lyuhchâpazy dei leipa cha, Zudia nata Samâri râhzy lâta paipatla khai ha ei ta.