ZAWHÂNA 16:3 - Mara Bible RV (BSI)

³ Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 16:3 ပူးပေါင်းရင်းမြစ်များ

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 15:21

Châhrasala nâ tuahtuhpa ama pahno leipa vâta, he hmo zydua he ei moh vâta nama chô liata ama tao aw.

ZAWHÂNA 15:23

Ahy rai kei nâ haopa cha ei Paw a haopa a châ.

ZAWHÂNA 17:25

Hy ei Paw siapa y, khizaw ta a cha pahno leipa chhao ta, kei ta la ei cha pahno. He sahlao chhao heta nâ ta eina tuah chi tahpa ama pahno.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 8:19

Âmo ta a hnohta, “Na Paw cha khataih liata a y?” tah ei ta. Zisu ta, “Kei na pahno leipa ei chi ta, ei Paw chhao pahno veih ei chi. Nâ pahnopa châ u la, ei Paw chhao nama pahno aw,” tah ta.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

HMOTAOPAZY 3:17

“Châhrasala unawh saih u, nama ryureituhpazy ta ama pahno leipa vâta ama taopa hawhna khata, nâmô chhao nama pahno leipa vâta, hezy he nama taopa a châ tahpa ei pahno.

1 KAWRINI 2:8

Cha cha he khizaw ryureituhpazy ta pahno veih ei. Pahno ha ei sala, rônahna Beipa cha ama khaipâ lei awpa tlai.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

1 TIMAWTHY 1:13

Kha hlâta reipachhietuhpa, taolatuhpa nata pasipasawhtuhpa vaw châ hraw sah la, ngiapâleina vâta pahno leipa ta a taopa ei châpa vâta, zawngiahna ei hmô.

1 ZAWHÂNA 2:23

Sawchapawpa a pyh leipa cha Paw hnei vei. Sawchapawpa a pyhpa cha Paw chhao a hnei.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.

1 ZAWHÂNA 4:8

Khazohpa cha kyhpachâna châ tlôh ta, kyhpachâna a hnei leipa cha Khazohpa pahno vei.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.