ZAWHÂNA 16:28 - Mara Bible RV (BSI)

²⁸ Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 16:28 ပူးပေါင်းရင်းမြစ်များ

LUKA 24:51

Byhnâ a awpa khai nah ei ta, a pachupazy cha a chhaih ta, vârâh lâ a chhipa ta y ha ta.

LUKA 9:51

Zisu cha vârâh lâ a chhipa ta a y nawpa daihti â hnia nahta, Zerusale lâ sie awpa ta a chhuah ta.

ZAWHÂNA 13:1

Zawpakhô kyhchhi hlâta, Zisu ta he khizaw he puasaipa ta Paw lâ a sie daihti a tlô haw tahpa a pahno nahta, a chyhsa khizaw liata a ypa kyh a pachâ tyhpazy cha, a chhâna taihta ama kyh pachâ ta.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 14:28

‘Sie aw na ta, nâmo lâ ei vy heih aw,’ ei cha tahpa ei kha nama pahno. Paw cha keima hlâta rônah viapa a châpa vâta, kyh nâ pachâpa nama châ khiahta cha, Paw lâta ei sie awpa cha namâ ly awpa a châ.

ZAWHÂNA 16:10

Siana kyh liata ama thaileichâna cha, Paw lâ sie aw na ta, eina hmô khao lei awpa vâ ei chi ta a châ.

ZAWHÂNA 16:16

“Buakha chhôh na hmô khao leipa aw ei chi ta, buakha chhôh lilaw ta, eina hmô heih aw ei chi,” tah ta.

ZAWHÂNA 16:30

Ato pahno chi ta, chyhsa ta ama cha hiahri awpa byuh vei, tahpa tahmâ eima pahno haw. Cha vâna chata Khazohpa tawhta a zupa na châ tahpa eimâ ngiapâpa a châ,” tah ei ta.

ZAWHÂNA 16:5

Tahmâ deikua cha, nâ tuahtuhpa lâ ei sie aw. Châhrasala ahy hmahta, ‘Khataih lâ na sie aw?’ tahpa ta na hiahri veih ei chi.

ZAWHÂNA 17:11

Kei la khizaw liata y khao aw va na, he sahlao deikua cha khizaw liata y chy aw ei ta, kei cha nâ lâ ei vaw di ha aw. Ei Paw Pathaihpa y, nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, nâ ta eina piepazy chi he na moh ta hrôbieh mah y.

ZAWHÂNA 17:13

Tahmâ nâ lâ ei vaw di daihmâ haw. Ei lyna âmo liata â ki thei nawpa ta, he biezy he khizaw liata ei reih.

ZAWHÂNA 17:5

Hy ei Paw, khizaw y hlâta nâma liata rônahna ei hneipa khata tahmâ he na mohmô liata na parônahsa mah y.

ZAWHÂNA 8:14

Zisu ta âmo cha a chhy ta, “Keimasasyh ta ei pahnokheipa chhao ta, ei bie pahnopa cha a do ta, ei vaw puana nata ei sie nawpa ei pahno. Nâmo deikua ta cha, ei vaw puana pahno leipa ei chi ta, ei sie nawpa chhao pahno hra veih ei chi.

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.