ZAWHÂNA 16:25 - Mara Bible RV (BSI)

²⁵ “Cha biezy cha pakhona ta nama hnohta ei reipa a châ. Pakhona bie ta cha chho khao leipa ta, a siapa ta Paw thâtih nama hnohta ei rei nawpa daihti a vaw tlô hai.

ZAWHÂNA 16:25 ပူးပေါင်းရင်းမြစ်များ

HLAZY 49:4

Bieso lâ ei nah pachôh aw na ta, Ei bie khiakhipa totâ ta ei chhopasia aw.

HLAZY 78:2

Pakhona bie hmâpa ta ei pakah â aw na ta, Hlâno tawhta bienyupazy ei reih aw.

BIESOZY 1:6

Bieso nata pakhona bie liata novâhna hnei awpa ta, Asopazy bie nata ama bie khiakhipazy liata novâhna hnei awpa ta.

EZEKIA 20:49

Chatawhcha kei ta, “Âh, Abeipa Zehôvah! Chyhsazy ta, ‘Pakhona bie ma a rei vei,’ eina tah ei,” tah na ta.

MÂKA 4:13

Zisu ta ama hnohta, “Pakhona bie cha pahno thai veih ei chi ma? Kheihta ma pakhona bie hropa zydua nama pahno thei aw?

MÂKA 4:34

Pakhona bie hmâ leipa ta ama hnohta reih beih vei. A pachupazy hnohta deikua cha, arulâta ato a chhopasia tyh ei.

MÂKA 8:32

Cha bie cha a sia ngaitapa ta reih ta. Pity ta Zisu cha a chhi nano ta, ra ta.

ZAWHÂNA 10:24

Zuzy ta vaw chadô ei ta, a hnohta, “Khachâ ma noraihpa ta miah na soh aw? Mesia na châ khiahta cha, a siapa ta miah chho teh,” tah ei ta.

ZAWHÂNA 10:6

Cha pakhona bie cha Zisu ta ama hnohta reih ta, châhrasala khâpa bie ma a reih tahpa pahno veih ei.

ZAWHÂNA 16:12

“Nama hnohta bie rei awpa hluhpi ei hnei. Châhrasala tahmâ la pahnie aw veih ei chi.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

ZAWHÂNA 16:32

Pachâ teh u, a daihti â hnia haw, tlao a vaw tlô haw. Cha tita la nama o chyu lâta pai khai aw ei chi ta, kei dei ta eina siesai aw ei chi. Châhrasala kei dei ta y va na, ei hnohta Paw a y.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.