ZAWHÂNA 16:22 - Mara Bible RV (BSI)

²² Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

ZAWHÂNA 16:22 ပူးပေါင်းရင်းမြစ်များ

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 146:2

Ei hro chhôh zydua ta Abeipa cha reithai aw na ta, Husona ei hnei chhôh ta, Ei Khazohpa reithaina hla ei sa aw.

HLAZY 33:21

A moh pathaihpa eima ngâpa vâta, Ano liata eima palôh â ly.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

MATHAI 28:8

Chanôzy cha china nata thaphana chôta thlâ tawhta thlai a lie ei ta, a pachupazy chho awpa ta a râ ei ta.

LUKA 10:42

Hmo miakha deita a byuh. Mâri ta tovyuh phapa a tlyh ta, cha cha lapa awpa châ vei,” tah ta.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

LUKA 19:26

Zibeipa ta, ‘Ei cha chho ei, a hneipa maih baichhapa châ aw ei ta, a hnei leipa cha a hnei chhôhpa chhao lapa a châ aw.

LUKA 24:41

Amâ ly tupa vâta zo leipa ta y ei ta, noâhpa ta ama y hai nota, ama hnohta, “Nie awpa nama hnei ma?” tah ta.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 14:19

Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:16

“Buakha chhôh na hmô khao leipa aw ei chi ta, buakha chhôh lilaw ta, eina hmô heih aw ei chi,” tah ta.

ZAWHÂNA 16:20

Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

ZAWHÂNA 16:6

He biezy he nama hnohta ei reipa vâta, nama pathipalôh cha pachârôhna ta a bie.

ZAWHÂNA 21:7

Zisu ta kyh a pachâpa pachupa khata Pity hnohta, “Abeipa a châ huh!” tah ta. Saimaw Pity cha rai hria awpa ta a chysia pahluh ha ta, Abeipa a châ tahpa a theipa nahta, a chysia thlai a ky ta, tipo lâ a zaw ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

HMOTAOPAZY 13:52

Chatanachata pachupazy cha alyna nata Thlahpa Pathaihpa ta bie ei ta.

HMOTAOPAZY 16:25

Zâcho ta Pawla nata Sila cha Khazohpa lâ thlahchhâpa ta hlazy sa ei ta, atâhpazy ta nathlie ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,