ZAWHÂNA 16:20 - Mara Bible RV (BSI)

²⁰ Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

ZAWHÂNA 16:20 ပူးပေါင်းရင်းမြစ်များ

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

HLAZY 30:11

Ei mâchhiesana cha lâna lâta pachâsapa ta, Ei latho poh na pahluhpa chi ta, Thaphana ta ei chai eina saih ha chi.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

MATHAI 21:38

Châhrasala thlyuhlaotuhpazy ta a sawchapawpa ama hmô nahta, a chhohia ei ta, ‘He chyhsa he ryutotuhpa a châ hih, a vy teh u, thie sih la, a ryu a la ei suh u,’ tah ei ta.

MATHAI 5:4

“Pachârôhpazy ama nohlao na, thlapalôhpa ta ama y awpa vâta.

MÂKA 14:72

Cha nota awhkhypa cha a einona ta thlai vaw khoh ta. Pity cha Zisu ta a hnohta, “Awh ei no a kho hlâta, ei thôh einâ paphasai aw chi,” a tahpa bie kha a vaw thei ta. Palôh keichheihpa ta cha ta.

MÂKA 16:10

Mâri Mâdali cha Zisu hnohta a y tyhpazy lâ vawh ta, mâchhiesapa ta a cha ngâpazy hnohta Zisu a hmôna thâtih kei chho ta.

LUKA 22:45

Thlah a chhâ khai tawhta thyu ta, pachupazy lâ a vy ta, pachârôhpa vâta amâ mô thlâhpa hmô ta.

LUKA 22:62

Pua ta, aoh tlili ta cha ta.

LUKA 23:27

Zawpi hluhpi nata ano châta mâchhiesapa ta a chakheipa chanôzy ta zi ei ta.

LUKA 24:17

Ama hnohta, “Nama sie pâ ta nama reipa bie kha khâpa bie maw?” tah ta. Pachârôhpa ta a duah ei ta.

LUKA 24:21

Keimo ta cha ano kha Izarei chatlaituhpa a châ awpa ta eima hnabei a seih thlâ bao na ta, khâpa rai châ sala, cha hmozy tlôna tawhta tanoh he a noh thôhna a châ haw.

LUKA 6:21

“Nâmo, tahmâ nota nodipazy saih u, nama nohlao na, nama rih a bie awpa vâta. “Nâmo, tahmâ nota a chapazy saih u, nama nohlao na, nama pahnei awpa vâta.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 16:6

He biezy he nama hnohta ei reipa vâta, nama pathipalôh cha pachârôhna ta a bie.

ZAWHÂNA 20:20

Cha bie cha a rei khai nahta, a ku nata a kâ zy âmo pahmô ta. Abeipa cha ama hmô nahta, pachupazy cha a ly ngaita ei ta.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

1 THYSALAWNIKA 1:6

Rietheina hluhpi taona chôta, Thlahpa Pathaihpa liata a lypa ta bie a pyh ei chi ta, keimo nata Abeipa hâ a latuhpazy nama vaw châ haw.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 11:10

Lei chyhsazy rie a patheipa hrohsopa panozy thiepa ama châpa cha, lei chyhsazy a ly kaw aw ei ta, alynazy tao aw ei ta, hmosaipiepazy amâ pie raihrie aw.

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.