ZAWHÂNA 16:2 - Mara Bible RV (BSI)

² Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

ZAWHÂNA 16:2 ပူးပေါင်းရင်းမြစ်များ

ISAI 65:5

“Â hlapa liata a duah teh, Nâ vaw hnia kha, Nâma hlâta ei pathaih via,” A tah tyhpazy ama châ. Ei hnapasu liata meikhuh châ ei ta, Noh y ta mei a iapa ama châ.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

DÂNIAH 11:33

Zawpi hry liata chyhsa sopazy ta, chyhsa hluhpi pachu aw ei ta, châhrasala noh hluhpi chhôh cha zaozi ta tlyma, meipaleih ta tlyma, sei châna ta tlyma, hraona ta tlyma chyhsa hluhpi ama pao aw.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 24:9

“Riethei tao awpa ta cha patusa aw ei ta, cha thie aw ei ta, ei moh vâta phopi zydua ta ama châ hao aw.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

ZAWHÂNA 12:42

Chatanachôta ryureituhpa hluhpi ta Zisu cha a ngiapâ ei ta, châhrasala Phârisaihzy ama chipa vâta, pakhyna o tawhta papuapa ama châ lei nawpa ta, amâ ngiapâna cha palâhâh veih ei.

ZAWHÂNA 16:25

“Cha biezy cha pakhona ta nama hnohta ei reipa a châ. Pakhona bie ta cha chho khao leipa ta, a siapa ta Paw thâtih nama hnohta ei rei nawpa daihti a vaw tlô hai.

ZAWHÂNA 16:32

Pachâ teh u, a daihti â hnia haw, tlao a vaw tlô haw. Cha tita la nama o chyu lâta pai khai aw ei chi ta, kei dei ta eina siesai aw ei chi. Châhrasala kei dei ta y va na, ei hnohta Paw a y.

ZAWHÂNA 4:21

Zisu ta a hnohta, “Chanô, ei bie zo teh. He tlâh cheingei leipa liata chhao, Zerusale khih cheingei leipa liata chhao, Paw namâ chhy nawpa daihti a vaw tlô hai.

ZAWHÂNA 4:23

Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

ZAWHÂNA 9:34

Âmo ta a chhy ei ta, “Nâ, moleipa ta a pihpa heta miah na pachu bao hra ma?” tah ei ta. Chatanachata ano cha papua ha ei ta.

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

HMOTAOPAZY 7:56

“Moh teh u, vârâh a pahypa hmô na ta, Chyhsa Sawchapawpa cha Khazohpa chachâh lâta â duapa ei hmô” tah ta.

1 KAWRINI 4:13

Reipachhiepa ta eima y nahta, bie pha eima hlâ tyh. Tanoh taih heta hnaihny hawhta pachâpa châ pi ta, khizaw puapa zydua atohna hawhta pachâpa eima châ.

PHILIPI 3:6

phahnai ngiahna kyh liata Awnanopa a taolatuhpa ei châ. Ryhpa biezy zyhpa vâta siana kyh liata chhao seina hnei leipa ei châ.

BIEPHUAH 6:9

Chahnaona miapangawhna a pathlâpa nahta, Khazohpa bie vâta nata pahnokheina bie amâ duakheipa vâta ama thiepazy thlahpa maisâh ry liata hmô na ta.

RYUREITUHPAZY 6:30

Chatawhcha khihpi chyhsazy ta Zôasâ hnohta, “Na sawchapawpa kha a vaw chhi teh, Bâlâ maisâh parao ta, a kiapâh liata Aseri tôh a thlupa vâta a thi awpa a châ,” tah ei ta.