ZAWHÂNA 16:17 - Mara Bible RV (BSI)

¹⁷ A pachupa thokha ta, “Eima hnohta bie a reipa, ‘Buakha chhôh na hmô khao leipa aw ei chi ta, buakha chhôh lilaw ta eina hmô heih aw ei chi,’ a tahpa nata, ‘Paw lâta ei sie awpa vâta,’ a tahpa he khâpa ma a yzie?” tah ei ta.

ZAWHÂNA 16:17 ပူးပေါင်းရင်းမြစ်များ

MÂKA 9:10

A bie reipa cha a vao thlâh ha ei ta, athihpa hry tawhta thyuheihpa cha khâpa tahna ma a châ tly, tahpa ta a hiahri raihrie ei ta.

MÂKA 9:32

Châhrasala a bie reipa cha a pachâ nawpa rai pahno veih ei. Ano hra cha hiahri ngâh tlôh leipa ei ta.

LUKA 18:34

Châhrasala cha biezy cha a pachâna rai pahno veih ei. Cha bie cha âmo tawhta nyupa ta y ta, khâpa bie ma a reih tahpa chhao pahno veih ei.

LUKA 9:45

Châhrasala a bie reipa cha, ama pahno thei lei nawpa ta nyupa a châpa vâta, a yzie pahno veih ei. Âmo hra ta a bie reipa kyh cha ano hiahri ngâh tlôh leipa ei ta.

ZAWHÂNA 12:16

Cha hmozy cha a hmiatuata la a pachupazy ta pahno thai veih ei. Châhrasala Zisu parônahsapa ta a y tawhna khata, cha hawhta a thâtih ropa châ ta, cha hmozy cha a chô liata ama vaw tao tlai tahpa a thei ha ei ta.

ZAWHÂNA 14:22

Zudâh, Iskari a châ leipa ta, a hnohta, “Abeipa, khazia keimo hnohta a luah aw chi ta, khizaw hnohta nâ luah aw vei?” tah ta.

ZAWHÂNA 14:5

Thawma ta a hnohta, “Abeipa, na sie nawpa pahno ma pi. A lâpi cha kheihta ma eima pahno thei aw,” tah ta.

ZAWHÂNA 16:1

“Nama pao lei nawpa ta he biezy he nama hnohta ei reih.

ZAWHÂNA 16:16

“Buakha chhôh na hmô khao leipa aw ei chi ta, buakha chhôh lilaw ta, eina hmô heih aw ei chi,” tah ta.

ZAWHÂNA 16:18

Pachupazy ta, “‘Buakha chhôh’ a tahpa he khâpa ma a yzie? A bie reipa he a pachâna rai pahno ma pi,” tah ei ta.

ZAWHÂNA 16:19

Ano ama hiahri khoh tahpa Zisu ta pahno ta, ama hnohta, “‘Buakha chhôh na hmô khao leipa aw ei chi ta, buakha chhôh lilaw ta eina hmô heih aw ei chi,’ tahpa bie ei reipa kha ma nâmo nata nâmo namâ hiahri ngâ kaw?

ZAWHÂNA 16:5

Tahmâ deikua cha, nâ tuahtuhpa lâ ei sie aw. Châhrasala ahy hmahta, ‘Khataih lâ na sie aw?’ tahpa ta na hiahri veih ei chi.