ZAWHÂNA 15:5 - Mara Bible RV (BSI)

⁵ Kei kre zôh châ na ta, nâmo a chiahzy nama châ. Ahy rai keima liata y thlâh ha ta, kei chhao ano liata ei y thlâh hana chyhsa cha thei hluhpi a pathei tyh. Keima leipa ta khâpa hmah tao thei veih ei chi.

ZAWHÂNA 15:5 ပူးပေါင်းရင်းမြစ်များ

BIESOZY 11:30

Mosiapa thei cha hrona tho châ ta, Chyhsa hro a pahnietuhpa cha asopa a châ.

HÔSIA 4:8

Ei phopi moleina atheihna sa nie ei ta, Chavâta chyhsazy ta moleina hmo ama tao awpa Tlao ama khoh kaw tyh.

MATHAI 13:21

châhrasala ano liata thari a thla leipa vâta, bohpi leipa dei y thei ta, bie vâta rietheipasana tlyma, taolana tlyma a vaw y nahta, thlai a pao ha tyh.

ZAWHÂNA 12:24

Hmeiseihta ta, hmeiseihta ta ei cha chho ei, sâh hmô cha alei liata tla leipa sala, a thi leipa khiahta cha, ano dei ta y ta, a thi khiahta deikua cha, thei hluhpi a pathei tyh.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 5:19

Zisu ta ama hnohta, “Hmeiseihta ta, hmeiseihta ta ei cha chho ei, Sawchapawpa ta ano rei sai ta khâpa hmah tao thei vei. Paw hmotaopa a hmôpa deita a tao tyh. Paw ta a taopa maih cha, Sawchapawpa chhao ta a tao tyh.

ZAWHÂNA 9:33

He chyhsa he Khazohpa tawhta a châ vei khiahta la, khâpa hmah tao thei aw vei,” tah ta.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

RAWMA 12:5

Cha hawhna chata keimo chhao, a hluhpi châ hra sih la, Krista liata pôhpa miakha châ pi ta, eima zydua ta a zao khaipa eima châ.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

1 KAWRINI 10:16

Byhnâ tona nyu châta byhnâ eima aw tyhpa he, Krista thisaih a hlykheina châ vei mâ? Viahchhâ eima pachhaih tyhpa he, Krista pôhpa a hlykheina châ vei mâ?

1 KAWRINI 12:12

Pôhpa he miakha châ ta, pachiahpa hluhpi a hnei. Pôhpa pachiahpa zydua cha hluh hra sala, pôhpa cha miakha a châpa hawhta, Krista chhao cha hawhpa a châ.

1 KAWRINI 12:27

Nâmo sahlao he Krista pôhpa châ ei chi ta, a pachiahpa nama châ chyu hra.

2 KAWRINI 13:8

Biehmeiseihpa a dyuhpa ta khâpa hmah tao thei ma pi. Biehmeiseihpa châ deita ta hmo to eima tao tyh.

2 KAWRINI 9:10

Chitutuhpa hnohta chi a pietuhpa nata nie awpa châta viahchhâ a pietuhpa ta nama tu awpa chi cha pie aw ei ta, chi cha papôhsa aw ta, nama siana thei hluhpi a patheisa aw.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 4:13

Tha nâ patlôtuhpa Krista liata ato ei tao thei.

PHILIPI 4:17

Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

1 PITY 2:4

Ano cha chyhsazy kho leipa châ ta, Khazohpa mohmô liata deikua cha, atlyhpa nata sôh ngaitapa alô hrohpa a châ. Abeipa nama pangai hapa vâta,

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.