ZAWHÂNA 15:4 - Mara Bible RV (BSI)

⁴ Keima liata y thlâh ha teh u, kei chhao nâmo liata ei y thlâh ha aw. A chiah cha kre zôh liata a y thlâh ha leipa khiahta cha, ano dei ta a pathei thei leipa hawhta, nâmo chhao keima liata nama y thlâh ha leipa khiahta cha, pathei thei aw veih ei chi.

ZAWHÂNA 15:4 ပူးပေါင်းရင်းမြစ်များ

HLAZY HLA 8:5

A lôhdupaw a vaw hnieh laihpa ta, Râhchawhpa tawhta â vypa hao ahy ma a châ tly? Epuh kô ry liata cha pahra na ta, Cha liata na nô cha na hnohta sawzeihpa ta y ta, Cha liata châ satuhpa cha sawzeihpa ta a y.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

MATHAI 12:33

“Tho phapa cha a thei pha ta, tho chhiepa cha a thei a chhie. Tho cha a thei tawhta pahnopa a châ.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

ZAWHÂNA 14:20

Cha noh liata, kei ei Paw liata y na ta, nâmo keima liata y ei chi ta, kei nâmo liata ei y tahpa nama pahno aw.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

ZAWHÂNA 6:56

Ahy rai ei sapa nie ta, ei thisaih a dohpa cha, keima liata a y thlâh ha tyh, kei chhao ano liata ei y thlâh ha tyh.

ZAWHÂNA 8:31

Chatawhcha Zisu ta ngiapâtuhpa Zuzy hnohta, “Ei bie liata nama y thlâh ha khiahta cha, ei pachupa dopazy nama châ aw.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

2 KAWRINI 13:5

Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 2:6

Chavâta Krista Zisu Abeipa namâ pyh ha tawhta cha, ano liata y u la,

1 THYSALAWNIKA 3:5

Cha vâna chata, reipasaotuhpa reipasaona vâta hmah eima hriapasana kha hraoleipa châ pathlei lah tahpa chi na ta, ei tao thei khao leipa vâta, namâ ngiapâna duahmo pahno awpa ta chyhsa ei vaw tuahpa a châ.

HEBRAI 10:39

Châhrasala keimo la, leidia awpa ta hnôh a sypa sahlao liatapa châ ma pi. Ngiapâna ta hro a pabohsa awpazy tlao eima châ.

1 ZAWHÂNA 2:6

Ano liata ei y a tahtuhpa cha, ano hrozie hawhta a hroh hra awpa a châ.

2 ZAWHÂNA 1:9

Ahy rai Krista pachuna bie liata y leipa ta, ano kho ta a siepa cha Khazohpa a hnei leipa a châ. Krista pachuna bie liata a ypa deikua cha, Paw nata Sawchapawpa a hnei pakaoh.