ZAWHÂNA 15:22 - Mara Bible RV (BSI)

²² Kei a vy leipa ta, ama hnohta bie reih leipa aw sah la, moleina vâta thaileichâpa ta ama y lei awpa tlai. Tahmâ deikua cha, ama moleina liata rei nawpa hnei khao veih ei.

ZAWHÂNA 15:22 ပူးပေါင်းရင်းမြစ်များ

EZEKIA 2:5

Saw chhorupazy châ ei ta, ama nathlie tlyma, nathlie vei tlyma, ama hry liata hrohsopa a y tahpa chhâ cha ama pahno aw.

LUKA 12:46

cha chakaotuhpa zibeipa cha a mokhâh leina noh nata a pahno leipa dawh liata a vy aw ta, chakaotuhpa cha hriechheih aw ta, ngâchhih leipazy to awpa a patosa aw.

ZAWHÂNA 12:48

Ahy rai nâ khoh leipa nata ei bie a zyh leipa cha, pachiatuhpa pakha a hnei. Ei bie reipa, kha bie tlai khata, noh chhâna noh liata ano cha a pachia aw.

ZAWHÂNA 15:23

Ahy rai kei nâ haopa cha ei Paw a haopa a châ.

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 16:9

Moleina kyh liata ama thaileichâna cha, kei einâ ngiapâ leipa vâ ei ta a châ.

ZAWHÂNA 19:11

Zisu ta a chhy ta, “Chô lâ tawhta biehneina piepa na châ vei khiahta la, ei chô liata khâpa biehneina hmah hnei va chi. Chavâta nâ lâta nâ vaw hlâtuhpa moleina he a lai via,” tah ta.

ZAWHÂNA 9:41

Zisu ta ama hnohta, “Mochaopa nama châ khiahta la, thaileichâna hnei aw veih ei chi. Châhrasala tahmâ cha, ‘Eima hmô thei,’ nama tahpa vâta, nama thaileichâna a y thlâh haw,” tah ta.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

RAWMA 1:20

Mo ta hmô thei leipa a châna, a chhâzaw hmotaotheina nata a Khazoh châna zy cha, khizaw tao tua no tawhta hmôpa ta y ta, hmotaopazy liata a siapa ta â lâ. Chavâta rei nawpa hnei veih ei.

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

ZÂMIE 4:17

Chavâta ahy rai hmo pha tao awpa pahno thlâh ha ta, a tao tlôh leipa cha, ano châta moleina a châ.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.