ZAWHÂNA 15:20 - Mara Bible RV (BSI)

²⁰ ‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 15:20 ပူးပေါင်းရင်းမြစ်များ

EZEKIA 3:7

Izarei pathlazy deikua cha, khi châpa nata palôh kuhchhapa ama châpa vâta, ei bie nathlie khoh leipa ei ta, nâma bie chhao nathlie khoh aw veih ei.

MATHAI 10:24

“Pachupa cha a pachutuhpa chô lâta y leipa ta, sei chhao a zibeipa chô lâta y vei.

MÂKA 10:39

Âmo ta a hnohta, “Eima tao thei aw,” tah ei ta. Zisu ta ama hnohta, “Ei nyu dopa cha doh thei aw ei chi ta, ei bâtina liata chhao namâ bâti thei ngyu aw.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

LUKA 6:40

Pachupa cha a pachutuhpa chô liata y beih vei. Châhrasala liahsata ta pachu hapa cha, a pachutuhpa a lyu aw.

ZAWHÂNA 10:31

Zuzy ta alô a huah ei ta, Zisu cha vaw a chhuah heih ei ta.

ZAWHÂNA 11:57

Zisu ama patu thei nawpa ta, a yna su a pahnopa maihta âmo chho awpa ta, theihthai beizy nata Phârisaihzy ta biepiepa ama vaw papua hapa a châ.

ZAWHÂNA 13:16

Hmeiseihta ta, hmeiseihta ta ei cha chho ei, chakaotuhpa cha a zibeipa hlâta lai via vei, lyuhchâpa chhao a tuahtuhpa hlâta lai via vei.

ZAWHÂNA 5:16

Pahânoh ta cha hawhpa hmozy cha a taopa vâta, Zuzy ta Zisu cha taolapa ta, thie a chhuah ei ta.

ZAWHÂNA 7:32

Zisu kyh liata zawpi a chiaburâhpa cha Phârisaihzy ta thei ei ta, chatanachata theihthai beizy nata Phârisaihzy ta Zisu patu awpa ta vaituhpazy tuah ei ta.

ZAWHÂNA 8:51

Hmeiseihta ta, hmeiseihta ta ei cha chho ei, chyhsa ta ei bie a zyh khiahta cha, thina hmia hmô beih aw vei,” tah ta.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.

ZAWHÂNA 8:59

Alô a huah ei ta, Zisu cha vaw a chhuah ei ta, châhrasala Zisu cha a nyu ta, Achhyna o tawhta pua ha ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

1 KAWRINI 4:12

Keimo ku ta hria pi ta, eima hriapasa ngaita. Pasipasawhpa ta eima y nahta, byhnâ awpa pi ta; taolapa ta eima y nahta, eima tao hualua tyh.

2 KAWRINI 4:9

Taolapa ta y pi ta, châhrasala siesaipa ta y ma pi. Chheipa ta y pi ta, châhrasala pahleipadiapa châ ma pi.

1 THYSALAWNIKA 2:15

Cha Zuzy cha Abeipa Zisu nata hrohsopazy a thietuhpa châ ei ta, keimo chhao miah papua ei ta, Khazohpa palysa leipa ei ta, chyhsa zydua chakhiatuhpa ama châ.

2 TIMAWTHY 3:12

Hmeiseih ta la, Khazohpa khozie hawhta Krista Zisu liata hro a chhuahpa zydua cha taolana amâ tyh aw.

1 SAMUELA 8:7

Abeipa ta Samuela hnohta, “Zawpi ao ta na hnohta ama reipa zydua cha nathlie mah y. Nâma ama cha khoh leipa châ leipa ta, ama bei châta kei eina khoh leipa ei tlao a châ.