ZAWHÂNA 15:2 - Mara Bible RV (BSI)

² Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

ZAWHÂNA 15:2 ပူးပေါင်းရင်းမြစ်များ

ZAWBÂ 17:9

Mosiapa cha a lâpi khâchâ patu ta, Ku pathaihpa cha a thatlô rili tyh.

HLAZY 92:14

Ama machâ tawh chhao ta khâ pathei ei ta, Ti ta bie ei ta khâ ama hroh sili.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

MALAKHAI 3:3

Tâkâ pathaituhpa nata a thlipasohtuhpa hawhta a tyuh aw ta, Livai pathlazy cha pathaisa aw ta, ngôh nata tâkâ a thlipasohpa hawhta âmo cha a thlipasoh aw ta, siana ta Abeipa lâta hmohlâpazy ama hlâ aw.

MATHAI 13:12

A hneipa hnohta pie baichhapa châ aw ta, a hluhpi a hnei aw. A hnei leipa deikua cha, a hnei chhôhpa chhao, ano tawhta lapa a châ aw.

MATHAI 13:33

Zisu ta pakhona bie hropa ama hnohta reih heih ta, “Vârâh khinarâh cha chanô ta thinô la ta, viahdie saikhua miathôh liata pabu ta a zydua ta a thyu khai hapa hawhta a châ,” tah ta.

MATHAI 15:13

Zisu ta a chhy ta, ama hnohta, “Tho to ei Paw vârâh liata a ypa ta a loh leipa maih cha phiapa a châ.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

MATHAI 25:29

Ahy rai a hneipa cha, pie baichhapa châ aw ta, a hluhpi a hnei aw. A hnei leipa deikua cha, a hnei chhôhpa chhao lapa a châ aw.

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

MATHAI 7:19

Thei phapa a pathei leipa tho maih cha thlupa châ ta, mei liata thypa a châ tyh.

MÂKA 4:20

Lei phapa liata chi hiepazy deikua cha, hezy he ama châ. Bie cha thei ei ta, a pyh ei ta, chi hiepazy cha a lie sythôh, a lie sycharu nata a lie za kha ta ama pathei tyh,” tah ta.

LUKA 8:13

Hezy he lôphiariapa liata chi hiepazy ama châ. Bie ama theipa nahta, a ly ngaitapa ta a pyh ei ta, châhrasala thari ama thla leipa vâta, bohpi leipa chhôh zyh ei ta, reipasaona a vaw y nahta, ama paosai ha tyh.

ZAWHÂNA 15:1

“Kei kre zôh hmeiseihpa châ na ta, ei Paw sadô mohôhtuhpa a châ.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 15:3

Nama hnohta ei bie reipa vâta, tahmâ chhao nama pathaih haw.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

ZAWHÂNA 15:8

Thei hluhpi pathei ei chi ta, ei pachupazy nama châpa nama palâsapa liana heta, ei Paw cha parônahsapa ta a y.

ZAWHÂNA 17:12

Nâ ta eina piepazy chi he, ama hnohta ei y chhôh ta na moh ta ei hrôbieh ei. Âmo cha vaih na ta, Biehrai bie pakisa nawpa ta leidia sawchapawpa dei leipa khata cha, ama hry liata pakha hmah leidia veih ei.

RAWMA 11:17

Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha,

RAWMA 11:22

Chavâta Khazohpa phazie nata chichhihzie he pachâ mah y. A paopazy châta chichhihpa châ ta, nâma châta deikua cha, a phana liata na y thlâh ha khiahta cha, Khazoh phapa a châ. Chataleipatala nâ chhao chhawh pathlahpa na châ aw.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 13:1

Chyhsapa nata vâlyuhchâpazy reih ta bie reih hraw sah la, kyhpachâna ei hnei tlôh leipa khiahta la, dawh paro thlâhthlipa tlyma, paotlâ paro thlâhthlipa tlyma ei châ.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.