ZAWHÂNA 15:16 - Mara Bible RV (BSI)

¹⁶ Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 15:16 ပူးပေါင်းရင်းမြစ်များ

ÂTHAONA 18:18

Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw.

HLAZY 145:4

Chhâ kha tawhta chhâ hropa lâta, Na hmotaopazy reithai pachhuah lymâ aw ei ta, Na hmotao rônahpazy ama phuah lymâ aw.

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

BIESOZY 11:30

Mosiapa thei cha hrona tho châ ta, Chyhsa hro a pahnietuhpa cha asopa a châ.

ISAI 27:6

Noh a vaw tlô awpazy liata, Zakaw cha thari thla aw ta, Izarei cha a chhyh thaopa ta a paw pawh aw ta, Khizaw zydua he a thei ta a pabie aw.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

MATHAI 21:22

Namâ ngiapâ khiahta cha, thlahchhâna ta nama hiapa maih nama hmô aw,” tah ta.

MATHAI 7:7

“Hiah teh u, piepa nama châ aw. Tlua teh u, nama hmô aw. Chakhyh teh u, pahypa nama châ aw.

LUKA 6:13

Khih a pavâ nahta, a pachupazy aw ta, ama hry tawhta pahrawh hleino a tlyh ta, ama moh ta lyuhchâpazy bi ta.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

ZAWHÂNA 15:19

Khizawpa châ u la, khizaw ta ano eih hawhta kyh a cha pachâ aw ei. Châhrasala khizawpa châ leipa ei chi ta, khizaw tawhta ei tlyh papuapa nama châpa vâta, khizaw ta a châ hao ei.

ZAWHÂNA 15:5

Kei kre zôh châ na ta, nâmo a chiahzy nama châ. Ahy rai keima liata y thlâh ha ta, kei chhao ano liata ei y thlâh hana chyhsa cha thei hluhpi a pathei tyh. Keima leipa ta khâpa hmah tao thei veih ei chi.

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.

HMOTAOPAZY 1:24

Thlahchhâ ei ta, “Hy Abeipa, nâ cha chyhsa zydua palôh pahnotuhpa na châ. He panozy liana heta, ahy he ma nâ tlyhpa a châ tahpa miah pahnosa mah y.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 10:41

Chyhsa zydua hnohta a luah leipa ta, ano pahnokheituhpa châ awpa ta Khazohpa ta a raopa, athihpa hry tawhta a thyuheih tawhta a hnohta nie ta a dohpa, keimo hnoh deita ta â luah.

HMOTAOPAZY 22:14

Anania ta, ‘Miah pathlatuhpazy Khazohpa ta a khopa pahno awpa nata Mo Siapa hmô ta, a pakah tawhta ao thei awpa ta a cha rao.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 15:4

Hlâno ta bie ropa zydua kha eimâ chu hra awpa ta ropa a châ. Chatanachata Biehrai bie hawhta tiamana nata thatlôna hneipa ta hnabeiseihna eima hnei thei aw.

RAWMA 9:21

Beihlei tlo kha tawhta, zachhihpa ta hmâ awpa beih sôh viapa nata hmâ chakhyh awpa beih sôh lei viapa zy tao awpa ta, beihvituhpa cha beihlei chô liata bie hnei vei mâ?

1 KAWRINI 10:11

Khazy kha pamosana châta ama chô liata a vaw tlôpa châ ta, keimo, daihti chhâna liata a ypazy pachuna châta ropa a châ.

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

1 TIMAWTHY 2:7

Cha châna chata biechhotuhpa nata lyuhchâpa ta raopa châ na ta, biehmeiseihpa nata ngiapâna kyh liata Zenitaizy pachutuhpa ta raopa ei châ. Biedopa ei reih, haih va na.

2 TIMAWTHY 1:11

Cha thâtihpha châta biechhotuhpa nata lyuhchâpa nata pachutuhpa ta raopa ei châ.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

TITU 1:5

Hmo pasia khai leipazy pasia awpa nata bie ei cha piepa hawhta khi to liata Awnanopa chhituhpazy rao awpa ta, Krite liahpahlô liata ei cha siesaipa kha a châ.

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

ZÂMIE 3:18

Siana thei cha adyryhna taotuhpazy ta adyryhna liata chi ama tupa patheipa a châ.

1 PITY 3:15

Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata

1 PITY 3:2

Nama zachhihna nata pathaihna hro nama vahpazy ta ama hmô tita, âmo cha nama pahnie thei aw.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.