ZAWHÂNA 15:10 - Mara Bible RV (BSI)

¹⁰ Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 15:10 ပူးပေါင်းရင်းမြစ်များ

2 SAMUELA 22:22

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

2 ABEIZY 18:6

Abeipa cha khâchâ patu ta, Abeipa a pazipa tawhta tleisai beih leipa ta, Abeipa ta Mawsi hnohta bie a piepa biepiepazy a zyh lymâ.

PUASAINA 7:6

Mawsi nata Arawna ta cha hawhna cha ta tao ei ta, Abeipa ta âmo bie a piepa hawh tlai ta tao ei ta.

ISAI 50:5

Abeipa Zehôvâh ta ei nah he pahy ha ta, Chavâta chhorupa ta y leipa na ta, Hnôh a sy hra va na.

ZAWHÂNA 10:18

Ahy hmahta na lapa leipa ei ta, keima rei tlai ta ei piepa a châ. Pie thei awpa ta biehneina hnei na ta, la pakhua heih thei awpa biehneina chhao ei hnei. Cha biepiepa cha ei Paw tawhta ei hmôpa a châ,” tah ta.

ZAWHÂNA 12:49

Keima biehneina ta bie reih va na. Nâ tuahtuhpa ei Paw ta bie na pie ta, rei awpa nata chho awpa eina piepazy ei reih tyh.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 14:31

châhrasala Paw kyh ei pachâpa khizaw ta a pahno thei nawpa ta, Paw ta bie eina piepa hawhta ei taopa a châ. Thyu teh u, he su tawhta pua ei suh u.

ZAWHÂNA 17:4

Raihria awpa eina piepa chi hria khai ha na ta, khizaw liata ei cha parônahsa haw.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.

ZAWHÂNA 8:29

Nâ tuahtuhpa cha ei hnohta a y. Ano a palysapa hmozy ei tao lymâpa vâta, na siesai beih vei,” tah ta.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

2 PITY 2:21

Siana lâpi pahno ha tlôh ta, ama hnohta biepiepa pathaihpa pavaosapa a heihsai heihpa hlâta cha, siana lâpi pahno leipa ta vaw y lâlao ei sala ama châta a pha via awpa tlai.

1 ZAWHÂNA 2:3

A biepiepazy eima zyh khiahta cha, ano pahnotuhpazy eima châ tahpa eima pahno.

1 ZAWHÂNA 2:5

A bie a zyhpa deikua cha, Khazohpa kyhpachâna cha ano liata a paki hmeiseihpa a châ. He liana heta ano liata eima y tahpa eima pahno:

1 ZAWHÂNA 2:6

Ano liata ei y a tahtuhpa cha, ano hrozie hawhta a hroh hra awpa a châ.

1 ZAWHÂNA 5:3

A biepiepazy eima zyhpa he Khazohpa kyh eima pachâna cha a châ. A biepiepazy cha a hri tlôh lei khâh ta.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.