ZAWHÂNA 15:1 - Mara Bible RV (BSI)

¹ “Kei kre zôh hmeiseihpa châ na ta, ei Paw sadô mohôhtuhpa a châ.

ZAWHÂNA 15:1 ပူးပေါင်းရင်းမြစ်များ

HLAZY HLA 7:12

Mydi ta kre sadô lâ sie ei sih la, Kre zôhzy ama paw ama pabyuh mâh ma, Kei moh ei sih la; Kre paw lochopa ta, Pawmikarânâ paw a pakai mâh ma, Kei moh ei suh u. Cha liata ei kyhpachâna ei cha hlâ aw.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ZEREMIAH 12:10

Mietaku vaituhpa hluhpi ta Ei kre sadô parao ei ta, Ei tovyuh ama tlypâ; Ei tovyuh pha ngaitapa cha, Râhchawhpa roryhrapa ama pachâsa haw.

ZEREMIAH 2:21

Chatanachôta kre zôh phapa hawhta cha loh na ta, Chi patapa hawhta ei cha loh. Kheihtazieta ma na chi patana padâh laih ta, Lyurâhpa kre zôh lâta nâ lie ha tly?

EZEKIA 19:10

Na nô cha kre sadô liata kre zôh lyu ta, Ti kiah liata lopa a lyu; Ti a hmô hluhpa vâta, Pathei hluh ta a chiahzy chhao a paka hluh kaw.

HÔSIA 10:1

Izarei cha kre zôh sichâphapa châ ta, A pathei pha ngaita tyh. A pathei hluh via nahta, Maisâh hluh via tao ta; A râh a pha via nahta, Panana tôh a hluh via.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

MATHAI 15:13

Zisu ta a chhy ta, ama hnohta, “Tho to ei Paw vârâh liata a ypa ta a loh leipa maih cha phiapa a châ.

MATHAI 20:1

“Vârâh khinarâh cha, lyu hneituhpa ta mydi ta pua ta, a kre sadô liata a hria awpa hriatuhpazy a tluapa hawhta a châ.

MATHAI 21:33

“Pakhona bie hropa nathlie teh u. Lyu a hneipa chyhsa pakha y ta, kre sadô tao ta, diahpai ta dôh ta, kre saohna khaoh chao ta, o sâhpa sa ta, a kre sadô cha lyutaopazy hnohta thlyu hlao awpa ta pie ta, râh hro lâ sie ha ta.

MÂKA 12:1

Pakhona biezy ta ama hnohta reih heih ta. “Chyhsa pakha ta kre sadô tao ta. Sadô cha dôh ta, kre saohna khaoh chao ta, o sâhpa sa ta, lyutaotuhpazy hnohta thlyu hlao awpa ta pie ta, râh hlapi lâ sie ha ta.

LUKA 13:6

Zisu ta he pakhona bie he reih ta: “Chyhsa pakha cha a kre sadô liata theiku kô kha loh ta. A kô liata a thei kei tlua tyh ta, châhrasala thei kha hmahta hmô leipa ta.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZAWHÂNA 15:2

Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

ZAWHÂNA 6:32

Zisu ta ama hnohta, “Hmeiseihta ta, hmeiseihta ta ei cha chho ei, vârâh tawhta viahchhâ kha Mawsi ta a cha piepa ei châ vei, ei Paw ta avâ tawhta viahchhâ hmeiseihpa a cha piepa ei a châ.

ZAWHÂNA 6:55

Ei sapa he pati hmeiseihpa châ ta, ei thisaih he do awpa hmeiseihpa châ tlôh ta.

RAWMA 11:17

Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha,

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

1 ZAWHÂNA 2:8

Kao kha lâ tawhta la, biepie thiehpa nâmo lâ a vaw rohpa ei châna kao a y. Cha cha ano liata nata nâmo liata â do, zohna cha lei hai ta, khaihna hmeiseihpa a vaw khaih hapa vâta.