ZAWHÂNA 14:31 - Mara Bible RV (BSI)

³¹ châhrasala Paw kyh ei pachâpa khizaw ta a pahno thei nawpa ta, Paw ta bie eina piepa hawhta ei taopa a châ. Thyu teh u, he su tawhta pua ei suh u.

ZAWHÂNA 14:31 ပူးပေါင်းရင်းမြစ်များ

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

ISAI 50:5

Abeipa Zehôvâh ta ei nah he pahy ha ta, Chavâta chhorupa ta y leipa na ta, Hnôh a sy hra va na.

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

MATHAI 26:46

Thyu teh u, sie ei suh u. Moh teh u, nâ patusatuhpa â vaw hnia ha huh,” tah ta.

LUKA 12:50

Châhrasala bâti châ awpa ei hnei. Cha cha ei pangoh hlâlei cha ei hu a po kaw dia!

ZAWHÂNA 10:18

Ahy hmahta na lapa leipa ei ta, keima rei tlai ta ei piepa a châ. Pie thei awpa ta biehneina hnei na ta, la pakhua heih thei awpa biehneina chhao ei hnei. Cha biepiepa cha ei Paw tawhta ei hmôpa a châ,” tah ta.

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

ZAWHÂNA 12:49

Keima biehneina ta bie reih va na. Nâ tuahtuhpa ei Paw ta bie na pie ta, rei awpa nata chho awpa eina piepazy ei reih tyh.

ZAWHÂNA 13:1

Zawpakhô kyhchhi hlâta, Zisu ta he khizaw he puasaipa ta Paw lâ a sie daihti a tlô haw tahpa a pahno nahta, a chyhsa khizaw liata a ypa kyh a pachâ tyhpazy cha, a chhâna taihta ama kyh pachâ ta.

ZAWHÂNA 15:9

Paw ta kyh eina pachâpa hawhta, kei chhao ta kyh ei cha pachâ ei. Ei kyhpachâna liata y thlâh ha teh u.

ZAWHÂNA 18:11

Zisu ta Pity hnohta, “Zaozi kha a paih liata khô teh, Paw ta nyu eina piepa he ei doh awpa châ vei ma?” tah ta.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.

PHILIPI 2:8

Chyhsapa hawhta vaw y ta, anosasyh ta a panawh ta, thina taihta reingiahpa ta y ta, kraws liata thina tlai cha.