ZAWHÂNA 14:27 - Mara Bible RV (BSI)

²⁷ Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 14:27 ပူးပေါင်းရင်းမြစ်များ

2 THÂTIHZYRONA 20:30

Zehôsaphâ cha Khazohpa ta a chheipâh râh zydua tawhta apahâna a piepa vâta, a khinarâh cha sidiapa ta y ta.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 11:1

Abeipa liata a chhaipa châ na ta, Kheihtazie ta ei hnohta, “Tlâhpizy lâta pavaw hawhta a zaw ha mah y.

HLAZY 112:7

Thâtih chhiepa ta a thlah pazo leipa ta, Abeipa ngâ ta, a palôh â i lymâ.

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

HLAZY 28:3

Moleipazy hry liata nâ daophi pathlah leipa la, Hmoparaopazy hry liata nâ daophi pathlah khah y; Cha chyhsazy cha ama vaihzy hnohta adyhna bie reih ei ta, Ama palôh liata deikua mo­leina ta a bie tyh.

HLAZY 29:11

Abeipa ta a phopi hnohta thatlôna pie sala, Abeipa ta a phopi hnohta thlalôhna byhnâ pie mawh sy!

HLAZY 56:11

Khazohpa cha ngâ na ta, Chi aw va na. Chyhsapa ta kheihta eina tao thei aw?

HLAZY 56:3

Ei china maihta, Nâma liata a pahnieh na ta;

HLAZY 72:2

Na phopi chô liata siana ta ryureih sala, Dyhchhiepazy chô liata adona ta ryureih mawh sy!

HLAZY 72:7

Ano hro chhôh nohzy liata cha, Chyhsa siapazy a sosâh ei sala, Thlâpâ a lei hlâlei cha, Sivâphana thata y mawh sy!

HLAZY 85:10

Ngâchhihna nata biehmeiseihpa a tyh ei ta, Siana nata thlalôhna ta amâ pahnâ.

HLAZY 91:5

Zâ chichhihna chi leipa aw chi ta, Nohchhô ta châtai a zawpa chi aw va chi.

BIESOZY 3:25

Eikhapi ta chichhihpa a vaw tlô awpa a ngiaroh leipa la, Hmoparaopazy chô liata chhiena a vaw tlô awpa chhao a ngiaroh khah y.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 1:8

Âmo cha chi khah y, Cha pachha awpa ta na hnohta ei y aw, Abeipa ta a tah,” tah ta.

CHAPHÔHTUNA 3:17

Hro thlalôhna ta nâ hneisai ha ta, Alyna cha kheihta ma a y tahpa ei my haw.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

DÂNIAH 4:1

Bei Nebukaneza ta, khizaw zydua liata a pahrâpa phopi to, râh to nata reih to hnohta hetana heta tah ta: Thlalôhna nama chô liata pôh lymâ mawh sy!

DÂNIAH 6:25

Chatawhcha Bei Dâria ta khizaw zydua liata a pahrâpa phopi to, râh to nata reih to lâta châ paphao ta, “Thlalôhna nama chô liata pôh mawh sy!

ZEKARIA 6:13

Ano ta Abeipa Achhyna o cha sa aw ta, bei chysia ta tobipa châ aw ta, a beichyuchhai liata a tyuh aw ta, ryu a reih aw. Theihthaipa chhao ano beidyuchhai liata a tyuh hra aw ta, ama pano likah liata a dyryhna a y aw,’ tahpa ta na chho aw.

MALUHREINA 6:26

Abeipa ta nâmo lâ a vaw heih sala, Thlalôhna cha pie mawh ei sy!”

MATHAI 10:26

“Chavâta âmo cha chi khuh vy. A lâ lei awpa ta khupa khâpa hmah y leipa ta, pahno lei awpa ta phihpa khâpa hmah y vei.

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

LUKA 10:5

O namâ ngiapa maih liata, a hmiatua chai ta, ‘He o liata thlalôhna vaw tlô mawh sy!’ nama tah lymâ aw.

LUKA 12:4

“Ei viasa saih u, ei cha chho ei, pôhpa thie ta, cha hnôhlâ ta khâpa hmah a tao thei khao leipazy chi khuh vy.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 20:19

Cha noh, hâta noh hmiatuapa zâlâ ta, Zuzy chipa vâta pachupazy yna ochhizy cha khaw ei ta. Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

ZAWHÂNA 20:26

Noh charie a châ tawhta, a pachupazy cha o chhôh liata y heih ei ta. Thawma chhao ama hnohta y hra ta. Ochhizy khaw hapa a châ tarawpa ta, Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 18:9

Zâ kha cha Pawla ta aluahna hmô ta, Abeipa ta a hnohta, “Chi leipa la, a chalih leipa ta bie reih lymâ mah y.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 8:6

Sapa hmo pachâna cha thina châ ta, Thlahpa hmo pachâna deikua cha, hrona nata thlalôhna a châ.

1 KAWRINI 1:3

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

KALATIA 1:3

Eima Paw Khazohpa nata Abeipa Zisu Krista tawhta ngiachhiena nata thlalôhna nama hnohta y mawh sy.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KALATIA 6:16

Cha ryhpa a zyhpa zydua nata Khazohpa Izarei chô liata thlalôhna nata ngiachhiena y mawh sy.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.

KAOLAOSÂ 1:2

Kaolaosâ khih liata Krista liata mopathaihpazy nata unawh ngâchhihpazy eima châ naoh. Khazohpa eima Paw tawhta ngiachhiena nata thlalôhna nama hnohta y mawh sy.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.

2 THYSALAWNIKA 1:2

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 7:2

Abarahâ ta a hraona sôh zydua tawhta su hrawh su kha a hnohta a pie. Melkizade cha a moh yzie tawhta siana bei châ tua ta, hnôhlâ ta Salem bei tahpa a châ. Salem bei tahpa cha adyhna bei tahna a châ.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.