ZAWHÂNA 14:26 - Mara Bible RV (BSI)

²⁶ Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

ZAWHÂNA 14:26 ပူးပေါင်းရင်းမြစ်များ

HLAZY 51:11

Na hmiakô tawhta na thy leipa la, Na Thlahpa Pathaihpa na lapa khah y.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

MATHAI 1:18

Zisu Krista vaw pinazie cha hetana heta a châ. Zawsi ta Zisu nô Mâri cha a pahawh ta, amâ pahlyh hlâta Thlahpa Pathaihpa ta saw paphaosa ta.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MATHAI 3:11

“Kei ta rona châta ti ta cha bâti ei na ta, ei hnôhlâ ta a vy awpa deikua cha, keima hlâta rônah viapa châ ta, kei la a pheiky chaba tlâh chhao châ va na. Ano ta Thlahpa Pathaihpa nata mei ta a cha bâti aw ei.

MÂKA 12:36

“‘Abeipa ta ei Beipa hnohta, Na chariahpazy na phei ry liata ei so khai hlâlei cha, Ei chachâh lâta a tyuh mah y,’ a tahpa kha.

MÂKA 13:11

Cha patupa ta ama châ chhi tita, khâpa eima reih aw tahpa ta pachâ chhie chhielie khuh vy. A daihtita liata bie vaw tlô aw ta, cha bie cha nama rei awpa a châ. A reihtuhpa cha nâmo châ leipa aw ei chi ta, Thlahpa Pathaihpa tlao a châ aw.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 1:41

Elizabe ta Mâri anaohna a thei nahta, a chhi liata hawsaih cha a tlieh ta. Elizabe cha Thlahpa Pathaihpa ta vaw bie ta,

LUKA 1:67

A paw Zekaria cha Thlahpa Pathaihpa ta bie ta, hrohsona bie phuah ta,

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

LUKA 24:49

Pachâ teh u, ei Paw bietaipa cha nama chô liata vaw tuah aw na ta, chô lâ tawhta hmotaotheina ta tobipa nama châ hlâta deikua cha, khihpi liana heta y thlâh ha muh vy,” tah ta.

LUKA 3:22

Thlahpa Pathaihpa cha pôhpa hneipa ta, vachhuh hawhta za chô ta, Zisu chô liata a zâ choh ta. Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

ZAWHÂNA 1:33

Ano cha ahy ma a châ tahpa pahno va na. Châhrasala ti ta bâti pachâsa awpa ta nâ tuahtuhpa ta ei hnohta, ‘Thlahpa za chô ta, a chô liata â chohpa na hmôpa cha, ano tlai cha Thlahpa Pathaihpa ta bâti a pachâsa awpa cha a châ,’ tahpa ta na chho ta.

ZAWHÂNA 12:16

Cha hmozy cha a hmiatuata la a pachupazy ta pahno thai veih ei. Châhrasala Zisu parônahsapa ta a y tawhna khata, cha hawhta a thâtih ropa châ ta, cha hmozy cha a chô liata ama vaw tao tlai tahpa a thei ha ei ta.

ZAWHÂNA 14:16

Paw lâ hiah aw na ta, chhâzaw ta nama hnohta y awpa ta, Thlapalôhtuh hropa a cha pie aw ei.

ZAWHÂNA 14:25

“Nama hnohta ei y chhôh ta he biezy he ei cha chho ei.

ZAWHÂNA 15:26

“Châhrasala Paw tawhta ei cha vaw tuapa awpa ei Thlapalôhtuhpa, biehmeiseihpa Thlahpa, Paw tawhta a puapa cha a vaw tlô tita, nâ pahnokheituhpa a châ aw.

ZAWHÂNA 16:7

Chatahrasala, biehmeiseihpa ei cha chho ei. Ei sie awpa cha nama châta a pha. Ei sie vei khiahta cha, Thlapalôhtuhpa nâmo lâ a vy aw vei. Ei sie khiahta deikua cha, Thlapalôhtuhpa cha nâmo lâ ei vaw tuah aw.

ZAWHÂNA 2:22

Chavâta athihpa hry tawhta pathyupa ta a y tawhna khata, cha kyh cha a reipa a châzie a pachupazy ta a thei ei ta, Biehrai nata Zisu bie reipa cha a ngiapâ ha ei ta.

ZAWHÂNA 20:22

Cha biezy cha a rei khai nahta, âmo cha a hu so thlu ta, ama hnohta, “Thlahpa Pathaihpa hnei teh u.

ZAWHÂNA 6:45

Hrohsopazy châbu liata, ‘Khazohpa pachupa ta ama y khai aw,’ tahpa ropa a châ. Paw bie thei ta, a chupa maih cha kei lâ amâ vy tyh.

ZAWHÂNA 7:39

Cha biezy cha ngiapâtuhpazy ta Thlahpa ama hnei awpa kyh a reina a châ. Zisu cha parônahsapa ta a y mâh leipa vâta, Thlahpa cha piepa châ mâh veih ei.

HMOTAOPAZY 1:2

lyuhchâpa â tlyhpazy hnohta Thlahpa Pathaihpa hmâpa ta bie a pie khai nahta, vârâh lâ chhihthapa ta a yna noh taihta ei roh.

HMOTAOPAZY 1:4

Ama hnohta a y nota, a pachupazy cha Zerusale puasai leipa ta Paw bietaipa vaw tlô awpa hâ awpa ta biepie ta, ama hnohta, “Ei bie reipa nama theipa hawhna khata,

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 11:16

Chatawhcha Abeipa ta, ‘Zawhâna ta ti ta bâti pachâsa ta, châhrasala nâmo la Thlahpa Pathaihpa ta bâtipa nama châ aw,’ a tahpa bie kha a vaw thei na ta.

HMOTAOPAZY 13:2

Abeipa a chhypa ta kâhvileipa ta ama y hai nota, Thlahpa Pathaihpa ta, “Bânabâ nata Sawla kha âmo ei awna chhâpa rai hria awpa ta na pananopa teh u,” tah ta.

HMOTAOPAZY 13:4

Bânabâ nata Sawla cha Thlahpa Pathaihpa tuapa ta sie ei ta, Selukia khih lâ zu ei ta, cha tawhna chata Kuparâ liahpahlô lâ balyh ta sie ei ta.

HMOTAOPAZY 15:28

He hmo peimawhpazy dei leipa ta cha, phaohri hropa cha pavi lei awpa ta, Thlahpa Pathaihpa nata keimo ta a pha eima tah:

HMOTAOPAZY 15:8

Palôh pahnotuhpa Khazohpa ta Zenitaizy â pyh ei tahpa cha, keimo chô liata a taopa hawhta, âmo chhao Thlahpa Pathaihpa a pie hrapa liana heta a palâsa haw.

HMOTAOPAZY 16:6

Thlahpa Pathaihpa ta Asia râh liata bie chho awpa a pakhâ hapa vâta, Pharuzia nata Kalatia râhzy chahry ei ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

HMOTAOPAZY 28:25

Ama bie a hmô thai khao leipa ta, Pawla ta bie miakha a rei khai nahta, ama pua haw. Pawla ta, “Thlahpa Pathaihpa ta hrohsopa Isai pakah ta châ pathlatuhpazy hnohta,

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

HMOTAOPAZY 7:55

Châhrasala Stiphana cha Thlahpa Pathaihpa ta biepa ta, vârâh lâ sai ta, Khazohpa rônahna nata Khazohpa chachâh lâta Zisu â duahpa hmô ta.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

2 KAWRINI 13:14

Abeipa Zisu Krista ngiachhiena, Khazohpa kyhpachâna nata Thlahpa Pathaihpa akaona cha nama zydua hnohta y mawh sy.

2 KAWRINI 6:6

hro pathaihna liata zy, pahnona liata zy, daotheina liata zy, nôphana liata zy, Thlahpa Pathaihpa liata zy, kyhpachâna hmeiseihpa liata zy;

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

2 TIMAWTHY 1:14

Keimo liata a pahrâpa Thlahpa Pathaihpa hmâpa ta, na hnohta pavaosapa hmo phapa kha vaih mah y.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

HEBRAI 10:15

Thlahpa Pathaihpa chhao ta, hetana heta reih ta, miah a pahnokhei,

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.

HEBRAI 3:7

Chavâta Thlahpa Pathaihpa ta, “Tanoh he a ao nama thei khiahta cha,

HEBRAI 9:8

Cha hmo paryhzie tawhna chata Thlahpa Pathaihpa ta he he a pahnosa: Achhyna byureih tytuapa â dua chhôh cha, Su Pathaih Chaipa liata angiana lâpi pahypa châ mâh vei.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

1 ZAWHÂNA 5:7

Pahnokheituhpa pathôh ama y.

ZUDÂH 1:20

Kho ngaitapa saih u, nâmo deikua la, namâ ngiapâna pathaih ngaitapa liata nâmosasyh tha a patlô u la, Thlahpa Pathaihpa ta thlahchhâ muh vy.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.