ZAWHÂNA 14:23 - Mara Bible RV (BSI)

²³ Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 14:23 ပူးပေါင်းရင်းမြစ်များ

ÂTHAONA 1:26

Khazohpa ta, “Keimo kakuapa ta, keimo hawh tlai ta chyhsapa tao ei sih la, âmo cha tilaipi nga chô liata zy, avâ pavaw chô liata zy, osa chô liata zy, alei chô zydua liata zy, alei chô liata alyhpasa zydua chô liata zy bie pahneisa ei suh u,” tah ta.

ÂTHAONA 11:7

A vy teh u, zu sih la, ama biereipa amâ pahno thei lei nawpa ta, ama reih panano khai ha suh u,” tah ta.

HLAZY 90:1

Abeipa, nâ cha chhâ zydua ta, Eima pahrâna na châ.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 14:17

Cha cha biehmeiseihpa Thlahpa, khizaw ta a hnei leipa a châ. Khizaw ta ano cha hmô leipa ta, pahno vei. Nâmo deikua ta cha, nama hnohta y ta, a y lymâ awpa vâta, ano cha nama pahno.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

ZAWHÂNA 14:24

Kyh nâ pachâ leipa chyhsa cha ei biepiepazy zyh vei. Bie nama theipazy he kei eih châ leipa ta, nâ tuahtuhpa Paw eih a châ.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 16:27

Ei kyh na pachâ ei chi ta, Paw tawhta a zupa ei châpa namâ ngiapâpa vâta, Paw ta kyh a cha pachâ ei.

ZAWHÂNA 6:56

Ahy rai ei sapa nie ta, ei thisaih a dohpa cha, keima liata a y thlâh ha tyh, kei chhao ano liata ei y thlâh ha tyh.

ZAWHÂNA 8:51

Hmeiseihta ta, hmeiseihta ta ei cha chho ei, chyhsa ta ei bie a zyh khiahta cha, thina hmia hmô beih aw vei,” tah ta.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

1 ZAWHÂNA 2:24

Nâmo la, âthaona tawhta nama pahnopa kha, nama palôh liata y thlâh ha mawh sy. Âthaona tawhta nama pahnopa kha nama palôh liata a y thlâh ha khiahta cha, nâmo chhao Sawchapawpa nata Paw liata nama y thlâh ha aw.

1 ZAWHÂNA 2:5

A bie a zyhpa deikua cha, Khazohpa kyhpachâna cha ano liata a paki hmeiseihpa a châ. He liana heta ano liata eima y tahpa eima pahno:

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

1 ZAWHÂNA 5:3

A biepiepazy eima zyhpa he Khazohpa kyh eima pachâna cha a châ. A biepiepazy cha a hri tlôh lei khâh ta.

2 ZAWHÂNA 1:6

He he kyhpachâna cha a châ, a biepiepazy eima zyhpa hih. Kyh a pachâ raihrie awpa cha athaohta tawhta nama theipa nata nama zyh awpa ta biepiepa a châ.

BIEPHUAH 21:22

Achhyna o deikua khihpi chhôh liata hmô va na, Abeipa Khazohpa Atotaotheipa nata Mietakutaw cha khihpi Achhyna o a châpa vâta.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

BIEPHUAH 22:3

Cha khihpi liana cha chhiesana rai y khao leipa aw ta, Khazohpa nata Mietakutaw beidyuchhai tlao y aw ta, a chakaotuhpazy ta ano cha amâ chhy aw.