ZAWHÂNA 14:20 - Mara Bible RV (BSI)

²⁰ Cha noh liata, kei ei Paw liata y na ta, nâmo keima liata y ei chi ta, kei nâmo liata ei y tahpa nama pahno aw.

ZAWHÂNA 14:20 ပူးပေါင်းရင်းမြစ်များ

ZAWHÂNA 10:38

Paw rai a hriapa ei châ khiahta deikua cha, kei na zo vei hra u la, ei raihriazy chhâ zo teh u. Chatanachata Paw cha keima liata y ta, kei chhao Paw liata ei y tahpa pahno aw ei chi ta, nama no â vâh aw,” tah ta.

ZAWHÂNA 14:10

Kei Paw liata y na ta, Paw keima liata a ypa kyh cha zo va chi ma? Nama hnohta bie ei reipazy he, keima biehneina ta a reihpa châ va na, keima liata a ypa Paw ta rai a hriapa tlao a châ.

ZAWHÂNA 14:11

Kei Paw liata ei y na ta, Paw keima liata a ypa kyh ei reipa he na zo teh u. Cha leipa chhao ta, ei hmo taopazy chhâ he cha zo teh u.

ZAWHÂNA 16:23

Cha noh liata cha, khâpa hmo hmah kei na hiah khao aw veih ei chi. Hmeiseihta ta, hmeiseihta ta ei cha chho ei, ei moh ta Paw lâ nama hiapa maih, Paw ta a cha pie aw ei.

ZAWHÂNA 16:26

Cha noh liata, ei moh ta hmo hiah aw ei chi ta, kei ta Paw lâ ei cha hiapa aw ei, cha tah khao aw veih ei na.

ZAWHÂNA 17:11

Kei la khizaw liata y khao aw va na, he sahlao deikua cha khizaw liata y chy aw ei ta, kei cha nâ lâ ei vaw di ha aw. Ei Paw Pathaihpa y, nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, nâ ta eina piepazy chi he na moh ta hrôbieh mah y.

ZAWHÂNA 17:26

Ama hnohta na moh pahnosa na ta, ei pahnosa lymâ aw. Chatanachata kyh eina pachâna chi kha âmo liata y aw ta, kei chhao âmo liata ei y lymâ aw,” tah ta.

ZAWHÂNA 17:7

Hmo to eina piepa zydua chi he, nâma tawhtapa a châzie tahmâ la ama pahno haw.

ZAWHÂNA 6:56

Ahy rai ei sapa nie ta, ei thisaih a dohpa cha, keima liata a y thlâh ha tyh, kei chhao ano liata ei y thlâh ha tyh.

RAWMA 16:7

Ei chiheih Andrônikâ nata Zunia, patâhna o liata ei tâlâhpazy kha nâ naohpa muh vy. Âmo cha lyuhchâpazy ta ama pahno kawpazy châ ei ta, kei Krista liata ei y hlâta a y hapazy ama châ.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 12:2

Kô hrawh hleipalih a sie hapa liata, vârâh chhâh thôhna lâta a chhipa ta a ypa, Krista liata chyhsa pakha ei pahno. Pôhpa ta a chhipa ma a châ, pôhpa leipa ta ma, tahpa deikua pahno va na. Khazohpa ta a pahno.

2 KAWRINI 13:5

Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

2 KAWRINI 5:19

Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

KAOLAOSÂ 1:19

Khazohpa ta ano cha a pakina to yna châta khoh ta,

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

1 ZAWHÂNA 4:12

Ahy hmahta Khazohpa hmô beih veih ei. Kyh eimâ pachâ raihrie khiahta cha, Khazohpa cha keimo liata pahrâ aw ta, a kyhpachâna cha keimo liata pakipa ta a y aw.