ZAWHÂNA 14:19 - Mara Bible RV (BSI)

¹⁹ Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

ZAWHÂNA 14:19 ပူးပေါင်းရင်းမြစ်များ

ZAWHÂNA 11:25

Zisu ta a hnohta, “Kei he thyuheihna nata hrona ei châ. Ahy rai nâ ngiapâpa cha, thi hra sala a hroh thlâh ha aw.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 13:33

Sawnawh saih u, buakhata nama hnohta ei y chy. Na tlua aw ei chi ta, Zuzy hnohta, ‘Ei sie nawpa lâ a vy thei aw veih ei chi,’ ei tahpa hawhna khata, tahmâ nâmo hnohta chhao ei reih.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 16:16

“Buakha chhôh na hmô khao leipa aw ei chi ta, buakha chhôh lilaw ta, eina hmô heih aw ei chi,” tah ta.

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

ZAWHÂNA 7:33

Zisu ta, “Buakhata nama hnohta y via chy aw na ta, nâ tuahtuhpa lâ ei sie aw.

ZAWHÂNA 8:21

Chatawhcha ama hnohta, “Sie aw na ta, eina tlua aw ei chi. Nama moleina liata nama thi aw. Nâmo la ei sie nawpa lâ vaw sie thei aw veih ei chi,” tah heih ta.

HMOTAOPAZY 10:41

Chyhsa zydua hnohta a luah leipa ta, ano pahnokheituhpa châ awpa ta Khazohpa ta a raopa, athihpa hry tawhta a thyuheih tawhta a hnohta nie ta a dohpa, keimo hnoh deita ta â luah.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.