ZAWHÂNA 14:12 - Mara Bible RV (BSI)

¹² “Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

ZAWHÂNA 14:12 ပူးပေါင်းရင်းမြစ်များ

MATHAI 21:21

Zisu ta a chhy ta, “Hmeiseihta ta ei cha chho ei, a lôh leina hnei leipa ta namâ ngiapâ khiahta la, theiku kô chô liata taopa he nama tao thei hrapa dei châ leipa ta, he tlâh hnohna chhao heta, ‘A pasie la, tilaipi liata a thy teh,’ nama tah khiahta cha, nama reipa hawhta a y aw.

MÂKA 11:13

Lâhla tawhta theiku kô buh rôhpa kei hmô ta, a thei hmô awpa hnabeiseihpa ta pangai ta. A kei tlô nahta deikua cha, a hna dei leipa cha khâpa hmah hmô leipa ta. Theiku pathei daihti a châ mâh leipa vâta a châ.

MÂKA 16:17

He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

ZAWHÂNA 14:28

‘Sie aw na ta, nâmo lâ ei vy heih aw,’ ei cha tahpa ei kha nama pahno. Paw cha keima hlâta rônah viapa a châpa vâta, kyh nâ pachâpa nama châ khiahta cha, Paw lâta ei sie awpa cha namâ ly awpa a châ.

ZAWHÂNA 16:7

Chatahrasala, biehmeiseihpa ei cha chho ei. Ei sie awpa cha nama châta a pha. Ei sie vei khiahta cha, Thlapalôhtuhpa nâmo lâ a vy aw vei. Ei sie khiahta deikua cha, Thlapalôhtuhpa cha nâmo lâ ei vaw tuah aw.

ZAWHÂNA 4:37

He liana heta, ‘Pakha ta tu ta, mohropa ta a hria,’ tahpa he biedopa a châ.

ZAWHÂNA 5:20

Paw ta Sawchapawpa kyh pachâ ta, a hmotaopa maih a pahmô tyh. Chazy hlâta hmotao rônah viapa chhao pahmô aw ta, nama no a âh ngaita aw.

ZAWHÂNA 7:33

Zisu ta, “Buakhata nama hnohta y via chy aw na ta, nâ tuahtuhpa lâ ei sie aw.

ZAWHÂNA 7:39

Cha biezy cha ngiapâtuhpazy ta Thlahpa ama hnei awpa kyh a reina a châ. Zisu cha parônahsapa ta a y mâh leipa vâta, Thlahpa cha piepa châ mâh veih ei.

HMOTAOPAZY 10:46

Reih thei leipazy ta bie reih ei ta, Khazohpa ama reithaipa vâta ama noâh ngaita ta. Pity ta,

HMOTAOPAZY 16:18

Cha hawhna chata noh hluhpi tao ta. Pawla cha a palôh châ khao leipa ta, a heih ta, thlahpa hnohna chata, “A chhôh tawhta pua awpa ta, Zisu Krista moh ta bie ei cha pie,” tah ta. Cha dawh lia tlai chata pua ha ta.

HMOTAOPAZY 19:12

Pawla pôhpa a hria hapa rumâ nata hruna poh hawhpazy taihta tlâhleipazy lâ cheih ei ta, ama hriiahzy ta âmo cha puasai ta, thlahpa chhiepazy chhao ama chhôh tawhta pua lymâ ei ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 4:16

“He chyhsazy he kheihta ma eima tao aw? Hmonoâhpa ngia tlâhpa ama taopa kyh Zerusale liata a ypa zydua ta a siapa ta pahno ei ta, keimo chhao ta eima ei thei vei kha zaw.

HMOTAOPAZY 4:33

Lyuhchâpazy ta hmotaotheina thata hneipa ta, Abeipa Zisu thyuheihna kyh a châhkhei lymâ ei ta, ama zydua chô liata ngiachhiena thata y ta.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

HMOTAOPAZY 5:15

Pity â vy tita, a nohpahlipa chhâ ta a pahli thei nawpa ei ta, tlâhleipazy a vaw sy ei ta, rakhô nata hmohphawzy chô liata paziapa ta lâlaizy liata soh ei ta.

HMOTAOPAZY 6:7

Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

HMOTAOPAZY 8:7

Thlahpa puapazy cha ao paro ngaitapa ta awhna chôta ama patupa chyhsa hluhpi chhôh tawhta vaw pua ei ta, asypa nata pheisypazy chhao patlâhpa châ ei ta.

HMOTAOPAZY 9:34

Pity ta a hnohta, “Ainia, Zisu Krista ta a cha patlâh haw, thyu la na hmohphaw loh teh,” tah ta. Thlai thyu ha ta.

HMOTAOPAZY 9:40

Pity ta ama zydua khôtho lâ papua ta, pakhu paneihpa ta thlahchhâ ta, athihpa ri lâ a heih ta, “Tâbi, thyu teh,” tah ta. Tâbi cha a mo vaw padeih ta, Pity a hmô nahta, a kaw tyuh ta.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.