ZAWHÂNA 13:8 - Mara Bible RV (BSI)

⁸ Pity ta a hnohta, “Ei phei pasi beih aw va chi,” tah ta. Zisu ta a chhy ta, “Ei cha pasi vei khiahta la, kei liata tovyuh hnei va chi,” tah ta.

ZAWHÂNA 13:8 ပူးပေါင်းရင်းမြစ်များ

ÂTHAONA 42:38

Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

MATHAI 16:22

Pity ta Zisu cha anano ta a chhi ta, ra ta, a hnohta, “Abeipa, Khazohpa ta pasaih khah sy! Cha cha na chô liata tlô cheita khah sy,” tah ta.

MATHAI 21:29

Chyhsa chata a chhy ta, ‘Sie aw va na,’ tah ta. Châhrasala taviapa ta a palôh a vaw nano ta, sie ha ta.

MATHAI 26:33

Pity ta a chhy ta, “Ama zydua ta cha paosai khai ha hra ei sala, kei la cha paosai beih aw va na,” tah ta.

MATHAI 26:35

Pity ta a chhy ta, “Na hnohta thi awpa a châpa chhao ta, châ paphasai cheita aw va na,” tah ta. Cha hawhna chata pachupa zydua ta reih chyu ei ta.

ZAWHÂNA 13:6

Saimaw Pity ta ano kô a vaw tlô nahta, “Abeipa, nâ ngâsâ ta ei phei na pasi aw ma?” tah ta.

ZAWHÂNA 13:9

Saimaw Pity ta a hnohta, “Abeipa, chata a châ khiahta la, ei phei dei châ leipa ta, ei ku nata ei luh chhao sy!” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

HMOTAOPAZY 22:16

Khâpa na hâ khao? Tahmâ thyu la, a moh padopa ta bâti châ la, na moleinazy pasi teh,’ na tah ta.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

KAOLAOSÂ 2:23

Âmo khozie hawhta zyhna â taopa, areisina pakheipa nata sapa riepatheisapa hawhpazy he, sona hawhta a lâ hra sala, sapa aohraohna pakhâ nawpa châta phahnai hlei vei.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.