ZAWHÂNA 13:5 - Mara Bible RV (BSI)

⁵ Rahô liata ti patlai ta, pachupazy phei pasi pathao ta, hruna poh â saihpa chata ama pheizy hru lymâ ta.

ZAWHÂNA 13:5 ပူးပေါင်းရင်းမြစ်များ

ÂTHAONA 18:4

Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u.

ÂTHAONA 19:2

Lawta ta, “Ei zibeipa saih u, ei châ haw ei, ngiachhiepa ta châ chakaotuhpa o liata vaw tlô u la, a rie u la, nama pheizy a si teh u. Mydi ta thyu aw ei chi ta, nama sie nawpa lâ cha si lah vâ ei chi,” tah ta. Âmo ta, “Châ vei, khiliah liata tlao eimâ rie aw,” tah ei ta.

ÂTHAONA 43:24

Zawsi o avaotuhpa ta âmo cha Zawsi o chhôh lâ a chhi ta, âmo cha ti pie ta, ama pheizy a si ei ta, ama alâzy châta sahroh laozy pie ta.

2 ABEIZY 3:11

Zehôsaphâ ta, “Abeipa miah a saohiahpa awpa Abeipa hrohsopa he liata y tlâ veih ei ma?” tah ta. Izarei bei chakaotuhpa pakha ta a chhy ta, “Elaizâh ku ti a bao tyhpa, Saphâta sawchapawpa Elaisâh a y,” tah ta.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

PUASAINA 29:4

Arawna nata a sawchapawzy cha ahmaohna poh o chhikao lâ a vaw chhi aw chi ta, âmo cha ti ta na pasi aw ei.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

THEIHTHAINA 14:8

“Pathaisa awpa chyhsa cha a chysiazy pasu aw ta, a hmi zydua a ngyu aw ta, ti ta a ngai a si aw ta, a pathaih ha aw. Cha khai tawhta riehmo lâ a ngia thei aw ta, châhrasala a poh o khôtho liata noh sari a y chy awpa a châ.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

LUKA 7:38

Mothlih chhaota a hnôh lâta a phei thaby liata a duah ta, chanô mothlih ta Zisu phei cha padâ khai ha ta. A mothlih cha a sâ ta hru ta, Zisu phei cha a pahnâ ta, sathaw ropahâhpa ta a pheizy cha thu ta.

LUKA 7:44

Chanô lâ a heih ta, Saimaw hnohta, “He chanô he na hmô ma? Nâ ta la na o liata a vaw ngia na ta, ei phei a si nawpa ti chhao na pie va chi. He chanô deikua heta a mothlih ta ei pheizy padâ ta, cha cha a sâ ta a hru.

ZAWHÂNA 13:10

Zisu ta a hnohta, “Ngaisi chiehpa cha a phei dei leipa cha pasi byuh vei, a pôhpa cha a pathaih thlâh haw. Nâmo chhao nama pathaih, nama zydua ta deikua châ vei,” tah ta.

ZAWHÂNA 13:6

Saimaw Pity ta ano kô a vaw tlô nahta, “Abeipa, nâ ngâsâ ta ei phei na pasi aw ma?” tah ta.

ZAWHÂNA 13:8

Pity ta a hnohta, “Ei phei pasi beih aw va chi,” tah ta. Zisu ta a chhy ta, “Ei cha pasi vei khiahta la, kei liata tovyuh hnei va chi,” tah ta.

ZAWHÂNA 19:34

Pheisaih pakha ta a kâ liata asei ta a chô ta, thisaih nata ti thlai vaw pua ta.

HMOTAOPAZY 22:16

Khâpa na hâ khao? Tahmâ thyu la, a moh padopa ta bâti châ la, na moleinazy pasi teh,’ na tah ta.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

1 ZAWHÂNA 5:6

Zisu Krista cha ti nata thisaih ta a vypa châ ta, ti dei ta châ leipa ta, ti nata thisaih ta â vy. Thlahpa cha biehmeiseihpa a châpa vâta, Thlahpa ta ano cha a pahnokhei.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.

RYUREITUHPAZY 19:21

Chatanachata o lâ a chhi ta, alâzy cha a lao pi ta, ama pheizy a si ei ta, niepa ta doh ei ta.

1 SAMUELA 25:41

Abikai cha thyu ta, a hmia alei lâ a khupa ta âmo cha a naoh ta, ama hnohta, “Châ chakaotuhnô he, ei zibeipa chakaotuhpazy phei a pasi awpa chakaotuhpa ei châ,” tah ta.