ZAWHÂNA 13:21 - Mara Bible RV (BSI)

²¹ Cha biezy cha a rei khai nahta, Zisu cha a thlahpa pachârôh ngaita ta, “Hmeiseihta ta, hmeiseihta ta ei cha chho ei, nama hry liata pakha ta eina patusa aw,” tah ta.

ZAWHÂNA 13:21 ပူးပေါင်းရင်းမြစ်များ

MATHAI 26:21

Ama nie hai nota ama hnohta, “Hmeiseihta ta ei cha chho ei, nama hry liata pakha ta eina patusa aw,” tah ta.

MATHAI 26:38

Ama hnohta, “Ei thlahpa a pachârôh ngaita ta, thina taihta a châ. He liata y u la, na vaihkhei teh u,” tah ta.

MÂKA 14:18

Tlâhkhai liata dôh ei ta, ama nie hai nota, Zisu ta, “Hmeiseihta ta ei cha chho ei, nama hry liata pakha, ei hnohta a nie hrapa tlai ta einâ paphasai aw,” tah ta.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

ZAWHÂNA 11:33

Zisu ta Mâri chapa nata a vaw zipa Zuzy chapa cha a hmô nahta, a thlahpa pachârôhpa ta, a palôh pasa ngaita ta.

ZAWHÂNA 11:35

Zisu cha ta.

ZAWHÂNA 11:38

Zisu cha palôh pasa ngaitana chôta thlâ kei tlô ta. Thlâ cha lôpu khiepa châ ta, a paka liata alô ta pamaipa a châ.

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,

ZAWHÂNA 13:22

Ahy kyh ma a reih tahpa pahno leipa ei ta, pachupazy cha a moh chyu ei ta.

HMOTAOPAZY 17:16

Pawla cha Atheni liata Sila nata Timawthy a hâ chhôhta, khihpi cha khazoh nothlahpa ta a bie thlâh hapa hmô ta, a palôh pasa ngaita ta.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.