ZAWHÂNA 13:19 - Mara Bible RV (BSI)

¹⁹ Tahmâ a vaw tlô hlâta ei cha chho ei, a vaw tlô tita, keima he ano cha ei châ tahpa namâ ngiapâ thei nawpa ta.

ZAWHÂNA 13:19 ပူးပေါင်းရင်းမြစ်များ

ISAI 41:23

Khazohzy nama châ tlai na tahpa eima pahno thei nawpa ta, He khai tawhta hmo vaw tlô awpazy miah chho teh u. Eima nôpo sala eima chi thei nawpa ta, Hmo phapa tlyma, hmo chhiepa tlyma tao teh u.

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

ISAI 48:5

Hlâno tawhta nama hnohta reih na ta, A vaw tlô hlâta nama hnohta ei phuah haw. Chataleipatala, ‘Eima khazoh nothlahpa ta a taopazy châ ei ta, Eima tho nothlâhpa khiepa ta biepie ta, Eima thua nothlahpa leihpa ta bie a piepa a châ,’ Nama tah pathlei aw na.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MATHAI 11:3

Zisu hnohta, “A vy awpa cha na châ ma, ahropa eima hâ aw ma?” tahpa ta pahiahrisa ta.

MATHAI 24:25

Nathlie teh u, ei cha chho chhielie ei hih.

LUKA 21:13

Cha cha nama bie pahnopa reina rypaohpa a châ aw.

ZAWHÂNA 1:15

Zawhâna cha ano a pahnokheituhpa châ ta, ano kyh liata, “‘Ei hnôhlâ ta a vypa cha, kei ei y hlâta a y hapa châ ta, keima hlâta rônah viapa a châ’, tahpa ta a thâtih ei reipa kha, he chyhsa he a châ,” tah ta.

ZAWHÂNA 14:29

Cha hmo a vaw tlô tita nama zo nawpa ta, a vaw tlô hlâta tahmâ ei cha chho ei.

ZAWHÂNA 16:4

Ama daihti a vaw tlô tita, ei cha chho chhieliepa ei a châpa namâ thei nawpa ta, he biezy he nama hnohta ei reih. “Nama hnohta ei ypa vâta, he biezy he âthaona tawhta cha chho veih ei na.

ZAWHÂNA 4:26

Zisu ta a hnohta, “Bie châ chhotuhpa kei he, ano cha ei châ,” tah ta.

ZAWHÂNA 8:28

Zisu ta ama hnohta, “Chyhsa Sawchapawpa he nama chaluah tita, ano cha ei châ tahpa pahno aw ei chi ta, keima biehneina ta khâpa hmah tao leipa na ta, Paw ta eina pachupa hawhta a reih tyhpa ei châzie nama pahno aw.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.