ZAWHÂNA 13:14 - Mara Bible RV (BSI)

¹⁴ Kei, nama Beipa nata Pachutuhpa ta nama phei ei pasi khiahta cha, nâmo chhao nama phei namâ pasipa raihrie awpa a châ.

ZAWHÂNA 13:14 ပူးပေါင်းရင်းမြစ်များ

ZAWHÂNA 11:2

Cha Mâri cha sathaw ropahâhpa Abeipa thu ta, a sâ ta a phei a hrutuhpa kha châ ta, tlâhleipa cha ano rilâhpa Lâzarâh a châ.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

RAWMA 12:10

Unawh kyhpachâna ta kyh a pachâ raihrie u la, a palyupalih raihrie muh vy.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

1 KAWRINI 8:13

Chavâta niepa vâta ei unawhpa ei pahluasa khiahta cha, ei unawhpa ei pahluasa pathlei lei nawpa ta, atheihna sa cha nie khao aw va na.

2 KAWRINI 10:1

Kei, Pawla ta Krista nôphana nata nônaina ta ei châ haw ei. Nama hnohta ei y nota a reisi kaw tyh na ta, ei sie tawhta deikua cha, nama chô liata ei riah a pha kaw tyh.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

PHILIPI 2:11

Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

1 PITY 4:1

Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”