ZAWHÂNA 13:1 - Mara Bible RV (BSI)

¹ Zawpakhô kyhchhi hlâta, Zisu ta he khizaw he puasaipa ta Paw lâ a sie daihti a tlô haw tahpa a pahno nahta, a chyhsa khizaw liata a ypa kyh a pachâ tyhpazy cha, a chhâna taihta ama kyh pachâ ta.

ZAWHÂNA 13:1 ပူးပေါင်းရင်းမြစ်များ

BIESOZY 8:31

A pahrâna khizaw liata thaphapa ta y na ta, Chyhsa sawzy chô liata ei ly kaw tyh.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

MATHAI 26:45

Cha khai tawhta pachupazy yna lâ a vy ta, ama hnohta, “A pahâ ei chi ta ma namâ mô thlâh ha chy? Moh teh u, a daihti a tlô haw, Chyhsa Sawchapawpa cha moleipazy ku liata hlâpa a châ haw.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

LUKA 22:53

Achhyna o liata nama hnohta noh chareih y na ta, na hria tlôh ei chi va. Châhrasala tahmâ he nâmo daihti châ ta, zohna biehneina daihti a châ,” tah ta.

LUKA 9:51

Zisu cha vârâh lâ a chhipa ta a y nawpa daihti â hnia nahta, Zerusale lâ sie awpa ta a chhuah ta.

ZAWHÂNA 11:55

Zuzy Zawpakhô Kyhchhi a hnia ha ta. Zawpakhô Kyhchhi hlâta a pathaisa awpa ta, khitaw chyhsa hluhpi Zerusale lâ khy ei ta.

ZAWHÂNA 12:23

Zisu ta âmo cha a chhy ta, “Chyhsa Sawchapawpa parônahsapa ta a y nawpa daihti a tlô haw.

ZAWHÂNA 13:29

Thokha ta, Zudâh cha tâkâ sahria a vaotuhpa a châpa vâta, “Kyhchhina châta hmo eimâ ngiahpa kei chalei teh,” a tahpa a châ na ta pangiasa ei ta, a châ vei khiah, dyhchhiepazy hnohta hmo pie awpa a chhopa a châ na ta ama pangiasa.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 13:34

Biepiepa thiehpa ei cha pie ei, kyh a pachâ raihrie teh u. Kei ta kyh ei pachâpa hawh ei ta, nâmo chhao kyh a pachâ raihrie teh u.

ZAWHÂNA 14:28

‘Sie aw na ta, nâmo lâ ei vy heih aw,’ ei cha tahpa ei kha nama pahno. Paw cha keima hlâta rônah viapa a châpa vâta, kyh nâ pachâpa nama châ khiahta cha, Paw lâta ei sie awpa cha namâ ly awpa a châ.

ZAWHÂNA 14:31

châhrasala Paw kyh ei pachâpa khizaw ta a pahno thei nawpa ta, Paw ta bie eina piepa hawhta ei taopa a châ. Thyu teh u, he su tawhta pua ei suh u.

ZAWHÂNA 16:28

Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 17:1

Cha biezy cha Zisu ta a rei khai nahta, avâ lâ ua ta, “Ei Paw, a daihti a tlô haw, na Sawchapawpa he parônahsa mah y. Chatanachata na Sawchapawpa chhao ta a cha parônahsa aw.

ZAWHÂNA 17:16

Kei khizawpa ei châ leipa hawhna heta, âmo chhao khizawpa châ veih ei.

ZAWHÂNA 17:26

Ama hnohta na moh pahnosa na ta, ei pahnosa lymâ aw. Chatanachata kyh eina pachâna chi kha âmo liata y aw ta, kei chhao âmo liata ei y lymâ aw,” tah ta.

ZAWHÂNA 17:5

Hy ei Paw, khizaw y hlâta nâma liata rônahna ei hneipa khata tahmâ he na mohmô liata na parônahsa mah y.

ZAWHÂNA 18:4

Zisu cha a chô liata hmo a tlô awpa zydua pahno thlâh hapa ta, pua ta ama hnohta, “Ahy nama tlua?” tah ta.

ZAWHÂNA 19:28

Cha khai tawhta, Zisu cha hmo to a tlô paki khai hapa pahno ta, Biehrai paki nawpa ta, “Ei dâh a phi,” tah ta.

ZAWHÂNA 2:13

Zuzy Zawpakhô kyhchhi a hnia ha ta, Zisu cha Zerusale lâ khy ta.

ZAWHÂNA 6:4

Zuzy Zawpakhô kyhchhi cha a hnia ha ta.

ZAWHÂNA 7:30

Chatanachata patu a chhuah ei ta, châhrasala a daihti a tlô mâh leipa vâta, ahy hmahta Zisu cha hria thei veih ei.

ZAWHÂNA 7:6

Zisu ta ama hnohta, “Ei daihti tlô mâh vei, nâmo daihti deikua cha khatino rai ta a tlô thlâh haw.

ZAWHÂNA 8:20

Cha biezy cha Achhyna o liata a pachu nota, thyuna sona su liata reih ta. Châhrasala a daihti a tlô mâh leipa vâta, ahy hmahta Zisu cha patu veih ei.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

1 KAWRINI 1:8

Eima Beipa Zisu Krista noh liata, seina hnei leipa ta nama y thei nawpa ta, ano ta a chhâna taihta tha a cha patlô aw ei.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,