ZAWHÂNA 12:43 - Mara Bible RV (BSI)

⁴³ Khazohpa reithaina hlao awpa hlâta, chyhsa reithaina hlao awpa ama khoh viapa vâta a châ.

ZAWHÂNA 12:43 ပူးပေါင်းရင်းမြစ်များ

HLAZY 22:29

Lei hneirôhpa zydua ta kyhchhipa ta ano cha a chhy aw ei ta, Dohlei lâta a zu awpa zydua ta a hmiakô liata amâ bôh aw; Anosasyh â pahro thei leipa chhao ta Abeipa cha â chhy aw.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

LUKA 19:17

Abei ta a hnohta, ‘Chakaotuhpa phapa, na tao pha na! A chyhta chô liata ngâ nâ chhihpa vâta, khih hrawh chô liata hyutuhpa ta na y aw,’ tah ta.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 5:41

Chyhsapa palyupalihna a pyh va na.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

ZAWHÂNA 8:54

Zisu ta a chhy ta, “Keimasasyh ta a palyupalih aw sah la, ei palyupalihna cha khâpa hmah châ vei. ‘Ano cha eima Khazohpa a châ,’ nama tahpa ei Paw ta eina palyupalihpa a châ.

RAWMA 2:29

Zu châna cha chyhsa chhôh liata y ta, chopawtaina cha palôh liata a y, châbie ta chopawtaipa châ leipa ta, Thlahpa ta taipa tlao a châ. Cha hawhpa chyhsa cha, chyhsapa reithaina hlao leipa ta, Khazohpa reithaina a hlao tyh.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 10:18

Anosasyh a reipaphapa ta reithaina hlao hlei leipa ta, Abeipa ta a reipaphapa ta reithaina a hlao tyh.

1 THYSALAWNIKA 2:6

Krista lyuhchâpa eima châna tawhta palyupalihna a hnaw theipa châ hra sih la, nâmo tawhta tlyma, mohropazy tawhta tlyma, chyhsapa palyupalihna tlua beih ma pi.

1 PITY 3:4

chhôh lâta atobina, chhithaina a tleih beih leipa, nônaina nata achalihna palôh ta tlao a tobipa châ mawh sy. Cha cha Khazohpa mohmô ta a sôh ngaita.

1 SAMUELA 15:30

Sawla ta, “Ei vaw molei ha tlai na. Chatahrasala ei châ haw na, ei chiheih machâzy nata Izarei hmiakô liana heta tahmâ na palyupalih la, Abeipa na Khazohpa hmiakô liata ei bôh thei nawpa ta, rie na kuakhei mah y,” tah ta.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.