ZAWHÂNA 12:34 - Mara Bible RV (BSI)

³⁴ Zawpizy ta a chhy ei ta, “Mesia cha chhâzaw ta a y aw tahpa ryhpa châbu liata eima pahno. Kheihtazieta Chyhsa Sawchapawpa chaluahpa ta a y aw a tahpa ma na châ? Chyhsa Sawchapawpa cha ahy maw?” tah ei ta.

ZAWHÂNA 12:34 ပူးပေါင်းရင်းမြစ်များ

2 SAMUELA 7:13

Ano ta ei moh châta o sa aw ta, kei ta â beinarâh beidyuchhai cha chhâzaw châta ei pa-i aw.

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

HLAZY 72:7

Ano hro chhôh nohzy liata cha, Chyhsa siapazy a sosâh ei sala, Thlâpâ a lei hlâlei cha, Sivâphana thata y mawh sy!

ISAI 53:8

Tlybaipa nata thailei pachâsapa ta a chhi ei ta, Châhrasala ano chhâ liata chyhsazy ta pachâ hlei veih ei. Ahrohpazy râh tawhta chhawh pathlahpa châ ta, Ei phopi paraona vâta hriepa a châ.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

MIKÂ 4:7

Pheisypazy cha, Laibâhpazy ta tao aw ei na ta; Thy hapazy chhao, Râh thatlôpa ta ei tao aw ei; Abeipa ta Zaio tlâh liata, Ama chô liata ryu a reih aw; Tahmâ tawhta ama chô liata ryureih aw ta, Chhâzaw ta ryu a reih aw.

MATHAI 16:13

Zisu cha Philipi Kaisaria bia a vaw tlô nahta, a pachupazy hnohta, “Chyhsazy ta Chyhsa Sawchapawpa he ahy na a châ ama tah?” tahpa ta hiahri ta.

MATHAI 21:10

Zerusale â ngia nahta, a thâtih ta khihpi zydua chalyu ta, “He chyhsa he ahy ma a châ tly?” tah ei ta.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

ZAWHÂNA 10:34

Zisu ta âmo cha a chhy ta, “Nama ryhpa châbu liata, ‘Khazohzy nama châ ei cha tah ei,’ tahpa ropa châ vei mâ?

ZAWHÂNA 12:32

Kei he alei tawhta chaluahpa ei châ tita, chyhsa zydua kei lâta ei sy aw ei,” tah ta.

ZAWHÂNA 15:25

Ama ryhpa châbu liata, ‘A chhâpa y leipa ta einâ hao ei,’ tahpa bie ropa kha a vaw tlô nawpa ta a châ.

ZAWHÂNA 8:28

Zisu ta ama hnohta, “Chyhsa Sawchapawpa he nama chaluah tita, ano cha ei châ tahpa pahno aw ei chi ta, keima biehneina ta khâpa hmah tao leipa na ta, Paw ta eina pachupa hawhta a reih tyhpa ei châzie nama pahno aw.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

RAWMA 5:18

Moleina miakha vâta chyhsa zydua thailei pachâsapa ama châpa hawhta, siana hmotaopa miakha vâta chyhsa zydua thai pachâsapa châ ei ta, hrona ama hnei.

HEBRAI 7:24

Zisu deikua cha, chhâzaw ta a hrohpa a châpa vâta, a thla beih leipa, chhâzaw theihthaipa a châ.