ZAWHÂNA 12:26 - Mara Bible RV (BSI)

²⁶ Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 12:26 ပူးပေါင်းရင်းမြစ်များ

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

BIESOZY 27:18

Theiku kô a mohôhpa ta a thei nie aw ta, A zibeipa a chakaopa chhao palyupalihpa a châ aw.

MALUHREINA 14:24

Nâ chakaotuhpa Kâlebâ deikua he cha palôh nanopa phaoh ta, tlokhuh ta eina pazipa vâta, ano he cha a pangaipa râh tlôkhei aw na ta, a pathlazy ta râh cha ama hnei aw.

MALUHREINA 32:11

‘Izi râh tawhta a kaw puapa, kô kih tawhta chô lâ chyhsazy cha, palôh tlokhuh ta eina zi leipa vâ ei ta, ahy hmah Abarahâ, Aisika nata Zakaw zy hnohta pie awpa ta bie ei taihpa râh hmô aw veih ei.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

MÂKA 8:34

Zawpizy cha a pachupazy chhaota ano lâ awpakhy ta, ama hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

LUKA 12:37

Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

LUKA 6:46

“Ei bie zyh tlôh leipa ei chi ta, khazia, ‘Abeipa, Abeipa,’ eina tah ei chi?

LUKA 9:23

Chatawhcha chyhsa zydua hnohta, “Ahy rai eina zi khoh khiahta cha, anosasyh a paky sala, noh chareih a kraws a piapa ta na zi mawh sy.

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

ZAWHÂNA 13:16

Hmeiseihta ta, hmeiseihta ta ei cha chho ei, chakaotuhpa cha a zibeipa hlâta lai via vei, lyuhchâpa chhao a tuahtuhpa hlâta lai via vei.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

ZAWHÂNA 21:22

Zisu ta a hnohta, “Ano cha ei vy heihna taihta hroh awpa ta a khohpa rai châ aw sah la, cha cha na pachâ awpa a châ ma? Nâ cha na zi thlâh ha teh!” tah ta.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 14:18

Cha hawhta Krista chakaotuhpazy cha, Khazohpa ta a pyh ta, chyhsa reithaina chhao ama hlao tyh.

2 KAWRINI 4:5

Keimo thâtih chho leipa pi ta, Zisu Krista cha Abeipa a châ tahpa chho pi ta, keimo chhao Zisu vâta nâmo châ chakaotuhpazy eima châpa eima chho tyh.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

KAOLAOSÂ 3:24

Nama lymâ châta Abeipa tawhta ryuto a hmô awpa nama châpa pahnopa ta, Abeipa Krista a chakaopa nama châ.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

1 ZAWHÂNA 5:3

A biepiepazy eima zyhpa he Khazohpa kyh eima pachâna cha a châ. A biepiepazy cha a hri tlôh lei khâh ta.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.