ZAWHÂNA 12:25 - Mara Bible RV (BSI)

²⁵ Ahy rai a hrona a tlaichhaipa cha, a hrona pahlei aw ta, he khizaw liata a hrona a haopa deikua cha, a hrona cha chhâzaw ta â vao thlâh ha aw.

ZAWHÂNA 12:25 ပူးပေါင်းရင်းမြစ်များ

BIECHHOTUHPA 2:17

Chavâta hro he ei hao. Noh ry liata hmotaopa zydua he, ei pachâ nâ parôhtuhpa dei châ ei ta, ato zydua hraoleipa châ ei ta, thlih a chadaipa deita a châ.

MATHAI 10:39

Ahy rai a hrona a hmôpa ta a hrona pahlei aw ta, keima vâta a hrona a pahleipa ta a hrona a hmô heih aw.

MATHAI 16:25

Ahy rai a hrona pabohsa a chhuahpa cha, a hrona pahlei aw ta; keima vâta a hrona a pahleipa deikua cha, a hrona a hmô heih aw.

MATHAI 19:29

Ahy rai ei moh vâta ozy, unawhzy, sietanôzy, paw, nô, sawzy nata râhzy a siesaipa cha, a lie za kha ta hmô aw ei ta, chhâzaw hrona ama to aw.

MÂKA 8:35

Ahy rai a hrona pabohsa a chhuahpa cha, a hrona pahlei aw ta, keima vâta nata thâtihpha vâta a hrona a pahleipa deikua cha, a hrona a pabohsa aw.

LUKA 14:26

“Ahy rai ei hnohta a vy khohpa cha, a paw, a nô, a lapinô, a sawzy, a unawhzy, a sietanôzy nata ano hrona tlai chhao â hao vei khiahta cha, ei pachupa châ thei aw vei.

LUKA 17:33

Ahy rai a hrona pabohsa a chhuahpa cha, a hrona pahlei aw ta, a hrona a pahleipa deikua cha, a hrona a pabohsa aw.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

HEBRAI 11:35

Chanôzy ta ama chyhsa athipa thyuheihpazy hmô ei ta. Thokhazy cha taolapa ta y hra ei sala, hro pha viapa lâta ama thyuheih thei nawpa ta, pua awpa khoh hlei veih ei.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.