ZAWHÂNA 12:17 - Mara Bible RV (BSI)

¹⁷ Thlâ tawhta Lâzarâh aw ta, athihpa hry tawhta a pathyu nota a hnohta zawpi a ypazy khata, Zisu thâtih cha reih lymâ ei ta.

ZAWHÂNA 12:17 ပူးပေါင်းရင်းမြစ်များ

ZAWHÂNA 1:19

Zuzy ta Zerusale tawhta theihthaipazy nata Livai sahlaozy tuah ei ta, Zawhâna hnohta, “Ahy na châ?” tahpa ta ama pahiahrisa nota, Zawhâna ta hetana heta reih ta.

ZAWHÂNA 1:32

Chatawhcha Zawhâna ta Zisu thâtih a pahnokheizie hetana heta phuah ta: “Thlahpa cha vachhuh hawhta avâ tawhta za chôpa hmô na ta, a chô liata a choh ta.

ZAWHÂNA 1:34

Cha cha hmô na ta, ano cha Khazohpa Sawchapawpa a châ tahpa a pahnotuhpa ei châ,” tah ta.

ZAWHÂNA 11:31

Mâri thlai thyu ta a puapa cha, o chhôh liata ano thlah a palôhpa Zuzy ta ama hmô nahta, Lâzarâh chakhei awpa ta thlâ lâ a vawh awpa khiah ma tah ei ta, Mâri cha pazi ei ta.

ZAWHÂNA 11:42

Ei bie khâ na nathlie tyh tahpa ei pahno. Châhrasala he liata zawpi a duahpazy heta, na tuapa ei châpa ama pahno thei nawpa ta, he bie he ei reipa a châ,” tah ta.

ZAWHÂNA 12:9

Cha su liata Zisu a y tahpa Zu chyhsa hluhpi ta ama vaw pahno nahta, a vy ei ta. Zisu vâ dei châ leipa ta, athihpa hry tawhta a pathyupa Lâzarâh hmô awpa ama khohpa vâta a vypa ama châ.

ZAWHÂNA 19:35

Cha hmo cha, mo ta a hmôtuhpa cheingei ta a reipa a châ. A hmo pahnopa cha a do ta, biedopa a reihpa a châ tahpa chhao ano liata â pahno. Cha bie cha nâmo chhao ta namâ ngiapâ thei nawpa ta reipa a châ.

ZAWHÂNA 21:24

Cha pachupa cha, he biezy a pahnotuhpa nata a rohtuhpa he a châ. A bie pahnopa cha biedopa a châ tahpa eima pahno.

HMOTAOPAZY 1:22

Zawhâna ta bâti a pachâsana daihti tawhta Abeipa Zisu vârâh lâ a chhipa ta a y noh taihta eima hry liata a y lymâpa, chazy hry liata chyhsa pakha cha, a thyuheihna miah pahnokheituhpa châta a y awpa a châ,” tah ta.

HMOTAOPAZY 5:32

Keimo he cha hmozy a pahnotuhpa châ pi ta, a bie a zyhpazy hnohta Khazohpa ta a piepa Thlahpa Pathaihpa chhao ta a pahno hra,” tahpa ta a chhy ei ta.

BIEPHUAH 1:2

Cha Zawhâna cha Khazohpa bie nata Zisu Krista bie pahnotuhpa châ ta, ano mo tlai ta hmôpa ta a pahnokheituhpa a châ.