ZAWHÂNA 12:13 - Mara Bible RV (BSI)

¹³ Thiahrâ kuahzy a cheipa ta ano dy awpa ta pua ei ta, “Haozanâ! Abeipa moh ta Izarei Bei a vypa cha reithaipa ta y mawh sy!” tahpa ta awh ei ta.

ZAWHÂNA 12:13 ပူးပေါင်းရင်းမြစ်များ

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

THEIHTHAINA 23:40

A noh khana noh ta tho phapa theizy, thiahrâ kuahzy, thochiah buh phapa nata chavah liata râbuhzy a chaba aw ei chi ta, Abeipa nama Khazohpa hmiakô liata noh sari chhôh thaphapa ta nama y aw.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

MATHAI 23:39

Ei cha chho ei, ‘Abeipa moh ta a vypa cha reithaipa ta y mawh sy,’ nama tah hlâlei cha, tahmâ tawhta na hmô khao aw veih ei chi,” tah ta.

MATHAI 27:42

“Chyhsa hropazy pachha ta, anosasyh a pachha thei vei. Izarei Bei mah a châ tâh, tahmâ he kraws tawhta za chô sala, ano eimâ ngiapâ aw.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 12:14

Zisu cha alâ taw hmô ta, a chô liata kiah ta,

ZAWHÂNA 12:15

“Hy Zaio sawchanô, chi khah y, Moh teh, alâ taw kiapa ta, Na Beipa cha â vy,” tahpa ta ropa hawhna khata.

ZAWHÂNA 19:15

Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.