ZAWHÂNA 11:53 - Mara Bible RV (BSI)

⁵³ Cha noh tawhta cha, Zisu thie thei nawpa lâpi tlua lymâ ei ta.

ZAWHÂNA 11:53 ပူးပေါင်းရင်းမြစ်များ

ÂTHAONA 37:18

A unawhzy ta Zawsi cha lâhlapi tawhta vaw hmô ei ta, ama kô chhao a tlô hlâta, thie awpa ta arulâta a paraoh chhielie ei ta.

NEHEMIAH 13:21

Âmo cha zikyu a râ ei na ta, ama hnohta, “Khazia thokhy khôtho liata namâ rie tyh? Nama tao heih khiahta cha, nama chô liata ku ei pathla aw,” tah na ta. Cha rakha tawhta cha Pahânoh ta vaw tlô khao veih ei.

NEHEMIAH 4:16

Cha noh tawhta cha, ei chyhsa â khophie ta raihria ei ta, â khophie ta aseizy, vyhphaozy, libawzy, chachôhna vyhphaozy a chaba ei ta. Chhituhpazy cha Zudâh pathla,

HLAZY 113:2

Tahmâ tawhta chhâzaw nata tlyzaw taihta, Abeipa moh cha reithaipa ta y mawh sy!

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

HLAZY 31:13

Chyhsa hluhpi bieparu thei na ta, Su to chichhihna ta a bie; A paraohpa ta na tei ei ta, Ei hrona la amâ chhuah.

HLAZY 71:10

Ei chariahpazy ta ei kyh na reih ei ta, Ei hrona a byhtuhpazy a pachia ei ta,

ZEREMIAH 38:15

Zeremiah ta Zedekia hnohta, “Cha chho hra aw sah la, na thie pyly aw va chi ma? Ryh cha raokhei hra aw sah la, eina nathlie hlei aw chi ma?” tah ta.

ZEREMIAH 38:4

Beimachâzy ta abei hnohta, “Eima châ haw na, he chyhsa he thiepa châ mawh sy. Cha hawhpa biezy cha reipa ta, khihpi liata a ypa pheisaihzy nata zawpi zydua ku tha a pazeisa khai ha ei. He chyhsa heta phopi pha nawpa tlua leipa ta, ama rao nawpa tlao a tlua hri,” tah ei ta.

MATHAI 12:14

Phârisaihzy deikua cha pua ei ta, ano ama pahleipadia thei nawpa ta bie a pachia ei ta.

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 22:46

Ahy hmahta kawh kha chhao a chhy thei leipa ei ta, cha noh tawhta cha, bie hropazy chhao a hiahri ngâhpa y khao veih ei.

MATHAI 26:4

Zisu cha dôveipa ta patu ta, ama thie thei nawpa ta a pachia ei ta.

MATHAI 26:59

Zisu ama thie thei nawpa ta, theihthai beizy nata ryureituhpa zydua ta haipa ta ano leih nawpa tlua ei ta.

MÂKA 14:1

Zawpakhô nata thinô pahlao leipa Viahchhâ Kyhchhi tlô hlâ noh nona liata, theihthai beizy nata ryhpa pachutuhpazy ta Zisu cha dôpakhei ta patupa ta, ama thie thei nawpa kyh tlua ei ta.

MÂKA 3:6

Phârisaihzy cha pua ei ta, ano ama thie thei nawpa pachâpa ta, Herawda pyzy nata thlai a chhohia ei ta.

ZAWHÂNA 11:47

Theihthai beizy nata Phârisaihzy ta ryureituhpazy awpakhy ei ta, “Kheihta eima tao aw? He chyhsa heta hmonoâhpa hluhpi tao tlôh ta.

ZAWHÂNA 12:10

Chavâta theihthai beizy ta Lâzarâh chhao cha thie a chhuah ei ta.

ZAWHÂNA 7:1

Cha khai tawhta Zisu cha Kâlili râh chahryh ta. Zuzy ta thie amâ chhuahpa vâta, Zudia râh deikua chahryh a chhuah vei.

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

HMOTAOPAZY 9:23

Noh hluhpi a khô tawhta, Sawla thie awpa ta Zuzy cha a chhohia ei ta.