ZAWHÂNA 11:51 - Mara Bible RV (BSI)

⁵¹ Cha bie cha ano khota a reipa châ leipa ta, cha kô liata theihthai beichaipa a châpa hawhta, Izarei phopi châta Zisu a thi awpa kyh hrohsona bie a reipa tlao a châ.

ZAWHÂNA 11:51 ပူးပေါင်းရင်းမြစ်များ

PUASAINA 28:30

Pachiana chachôhna vyhphao liata Uri nata Thumi soh aw chi ta, Abeipa hmiakô lâ Arawna a vaw tita, cha cha a pathipalôh liata y aw ta, chatanachata Izarei sawzy pachiana cha Arawna ta a pathipalôh liata khatino rai ta a theipa ta, Abeipa hmiakô liata â dua tyh awpa a châ.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

MALUHREINA 22:28

Abeipa ta alâ pakah pahy ta, Bâlâma hnohta, “Na chô liata khâpa hmo tao na ta ma, ei thôh dua eina chhei chi?” tah ta.

MALUHREINA 24:2

Bâlâma cha mohmia pasaih ta, Izarei sawzy a chi chi ta riehmo ama paryhpa hmô ta. Khazohpa Thlahpa a chô liata vaw tlô ta,

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

ZAWHÂNA 10:15

Paw ta kei na pahno ta, kei ta Paw ei pahnopa hawhna heta. Mietakuzy châta ei hrona ei pie.

ZAWHÂNA 11:49

Ama hry liata chyhsa pakha, a moh Kaiphâ ama tahpa, cha kô liata theihthai beichaipa ta ama hnohta, “Khâpa hmahta pahno veih ei chi.

ZAWHÂNA 18:13

Cha kô liata theihthai beichaipa Kaiphâ puhpa cha Anâ a châpa vâta, Zisu cha Anâ lâ a chhi tua ei ta.

1 KAWRINI 13:2

Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

1 SAMUELA 23:9

Sawla ta a chô liata hmo pha leipa tao â chhuahpa cha Dâvi ta pahno ta, theihthaipa Abiathâ hnohta, “Ephaw kha vaw cheih teh,” tah ta.

1 SAMUELA 28:6

Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.