ZAWHÂNA 11:25 - Mara Bible RV (BSI)

²⁵ Zisu ta a hnohta, “Kei he thyuheihna nata hrona ei châ. Ahy rai nâ ngiapâpa cha, thi hra sala a hroh thlâh ha aw.

ZAWHÂNA 11:25 ပူးပေါင်းရင်းမြစ်များ

HLAZY 36:9

Nâma liata hrona hnawh y ta, Na khaihna liata khaihna eima hmô.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 38:16

Hy Abeipa, cha hawhta taopa vâta, Chyhsazy hroh tyh ei ta, Ei thlahpa chhao, Chazy liana chata hrona a hmô. Na patlâh la, Hrona na pie mah y.

LUKA 23:43

Zisu ta a hnohta, “Hmeiseihta ta ei cha chho, tanoh he ei hnohta Pârâdi liata na y aw,” tah ta.

ZAWHÂNA 1:4

Bie liata hrona y ta, cha hrona cha chyhsazy khaihna a châ.

ZAWHÂNA 14:19

Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 5:21

Paw ta athihpazy pathyu ta, a pahropa hawhta, Sawchapawpa chhao ta a khopa maih a pahro tyh.

ZAWHÂNA 5:26

Paw cha hrona hnawh a châpa hawhta, Sawchapawpa chhao hrona hnawh châ awpa ta a tao.

ZAWHÂNA 6:35

Zisu ta ama hnohta, “Kei he hrona viahchhâ ei châ. Ahy rai kei lâ a vypa cha a nodi leipa aw ta, ahy rai nâ ngiapâpa cha a dâh phi beih aw vei.

ZAWHÂNA 6:44

Nâ tuahtuhpa Paw ta a sy vei khiahta la, ahy hmah kei lâ a vy thei aw veih ei. Kei lâ a vypa cha noh chhâna noh liata ei pathyu aw.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

RAWMA 4:17

“Phopi hluhpi paw ta ei cha tao haw,” tahpa ta ropa hawhta, Abarahâ cha athihpa a pahrotuhpa nata hmo a y leipazy a paysatuhpa châ ta, â ngiapâpa Khazohpa mohmô liata eima zydua paw a châ.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 15:18

Krista liata a môpazy ama leidia haw tahna a châ hra aw.

1 KAWRINI 15:29

Chata châ leipa sala, athihpa vyuhpa ta bâti châpa cha khâpa phahnaina a hnei aw? Athihpazy pathyupa ama châ chachei lei awpa khiahta cha, khazia chyhsazy ta âmo vyuhpa ta bâti ama châ tyh?

2 KAWRINI 4:14

Abeipa Zisu a pathyutuhpa ta keimo chhao Zisu hnohta miah pathyu hra aw ta, a hmiakô liata nâmo nata miah a paduasa khoh aw tahpa eima pahno.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

1 THYSALAWNIKA 4:14

Zisu thi ta a thyu heihpa eimâ ngiapâpa vâta, Zisu liata a môpazy cha Khazohpa ta ano hnohta â vaw chhi aw ei tahpa eimâ ngiapâ.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.

BIEPHUAH 20:5

Athihpa hropazy deikua kô sâh kha a tloh hlâlei cha hroh mâh veih ei. Cha cha thyuheihna eikhana a châ.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.