ZAWHÂNA 11:24 - Mara Bible RV (BSI)

²⁴ Marthâ ta a hnohta, “Noh ki noh ta thyuheihna liata cha a thyuheih aw tahpa ei pahno,” tah ta.

ZAWHÂNA 11:24 ပူးပေါင်းရင်းမြစ်များ

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

HÔSIA 6:2

Noh no khai tawhta miah pahrapa ta, Noh thôhna noh ta miah pathyu aw ta, A hmiakô liata eima hroh aw.

LUKA 14:14

Âmo cha châ thô thei awpa ama châ leipa vâta, byhnâ to aw chi ta, chyhsa dopazy thyuheihna liata thôpa na châ aw,” tah ta.

ZAWHÂNA 11:23

Zisu ta a hnohta, “Na rilâhpa a thyu heih aw,” tah ta.

ZAWHÂNA 6:39

He he nâ tuahtuhpa khopa cha a châ, ano ta eina piepa zydua ahy hmah pahlei leipa aw na ta, noh chhâna noh liata ei pathyu aw ei.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HEBRAI 11:35

Chanôzy ta ama chyhsa athipa thyuheihpazy hmô ei ta. Thokhazy cha taolapa ta y hra ei sala, hro pha viapa lâta ama thyuheih thei nawpa ta, pua awpa khoh hlei veih ei.