ZAWHÂNA 11:19 - Mara Bible RV (BSI)

¹⁹ Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

ZAWHÂNA 11:19 ပူးပေါင်းရင်းမြစ်များ

ÂTHAONA 37:35

A sawchapaw nata a sawchanô zydua ta ano thlapalôh awpa ta thyu ei ta. Châhrasala Zakaw ta ama thlapalôhna cha a pyh khoh leipa ta, “Châ vei, mâchhiesana chôta ei sawchapawpa hnohta Athihkhih lâ ei sie aw,” tah ta. Chatanachata a paw cha ano a ngiahpa ta cha tyh ta.

2 SAMUELA 10:2

Dâvi ta, “Nahâsâ sawchapawpa Hânu cha, a paw ta ei chô liata phana a palâsa tyhpa hawhta, kei chhao ta a chô liata phana ei palâsa hra aw,” tah ta. Chatanachata a paw thina kyh liata thlapalôh awpa ta, Dâvi ta Hânu lâ a chakaotuhpazy tuah ta. Dâvi chakaotuhpazy cha Amawna râh kei tlô ei ta.

1 THÂTIHZYRONA 10:12

pasaipha zydua pua ei ta, Sawla nata a sawchapawzy ri kei la ei ta, Zabe khihpi lâ ama siekhei haw. Ama ruzy cha Zabe khihpi liata ôkâ tho ry liata pabu ei ta, noh sari chhôh kâhvileipa ta y ei ta.

ZAWBÂ 2:11

Zawbâ viasa pathôhzy ta Zawbâ chô liata hmo pha leipa a tla thlupa zydua cha ama thei nahta, Temani chyhsa Elipha, Suhi chyhsa Bildâ nata Nâmâ chyhsa Zôpha zy cha ama yna su chyu tawhta a vy ei ta. A pahrua ei ta, Zawbâ ama pasakheina palâsa ta thlapalôh awpa ta hmaohkha ta vaw tlô ei ta.

ZAWBÂ 42:11

A unawhpa nata a sietanô zydua nata kha hlâta a hmiapahnopa zydua ano lâ a vy ei ta, a o liata a hnohta pati dôh ei ta. Abeipa ta a chô liata hmo pha leipa a patlôsapa zydua vâta taokheipa ta a thlapalôh ei ta. Tâkâ nata ngôh kusadizy pie chyu ei ta.

BIECHHOTUHPA 7:2

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

ISAI 51:19

He hmo miano heta cha vaw tlô thlu ta, Ahy ma na hna châ pangâh aw? Roryhrana nata paraona ta cha vaw tlô thlu ta, Ahy ma thlah châ palôh aw? Chakâhna nata zaozi ta cha vaw tlô thlu ta, Ahy ma thlah châ palôh aw?

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

LUKA 10:39

Marthâ cha narô pakha, a moh Mâri ama tahpa hnei ta. Mâri cha Abeipa phei thaby liata a tyuh ta, a bie nathlie ta.

LUKA 10:42

Hmo miakha deita a byuh. Mâri ta tovyuh phapa a tlyh ta, cha cha lapa awpa châ vei,” tah ta.

ZAWHÂNA 1:19

Zuzy ta Zerusale tawhta theihthaipazy nata Livai sahlaozy tuah ei ta, Zawhâna hnohta, “Ahy na châ?” tahpa ta ama pahiahrisa nota, Zawhâna ta hetana heta reih ta.

ZAWHÂNA 11:1

Mâri nata a narônô Marthâ yna Bethâni khih liata chyhsa pakha, a moh Lâzarâh ama tahpa pasa ta.

ZAWHÂNA 11:31

Mâri thlai thyu ta a puapa cha, o chhôh liata ano thlah a palôhpa Zuzy ta ama hmô nahta, Lâzarâh chakhei awpa ta thlâ lâ a vawh awpa khiah ma tah ei ta, Mâri cha pazi ei ta.

ZAWHÂNA 11:33

Zisu ta Mâri chapa nata a vaw zipa Zuzy chapa cha a hmô nahta, a thlahpa pachârôhpa ta, a palôh pasa ngaita ta.

ZAWHÂNA 11:36

Zuzy ta, “Moh tua u, Lâzarâh kyh a vaw pachâ hmeiseih tlai na!” tah ei ta.

ZAWHÂNA 11:45

Mâri hnohta thlâ lâ a vawhpa Zu chyhsa hluhpi ta, Zisu hmotaopa cha ama hmô nahta, ano cha a ngiapâ ha ei ta.

ZAWHÂNA 11:8

Pachupazy ta a hnohta, “Râbai, tahmâno he Zuzy ta alô ta vaw châ chhuah ngâ thlâh ha ei ta, cha lâ cha na sie heih aw ma?” tah ei ta.

RAWMA 12:15

Alypazy a lykhei u la, achapazy chakhei teh u.

2 KAWRINI 1:4

Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

1 THYSALAWNIKA 4:18

Chavâta cha biezy chata thlah a palôh raihrie teh u.

1 THYSALAWNIKA 5:11

Chavâta nama tao tyhpa hawhta, a pasyu raihrie u la, tha a patlô raihrie tyh muh vy.

1 SAMUELA 31:13

Ama ruzy la ei ta, Zabe liata tamâri kô ry liata pabu ei ta, noh sari chhôh kâhvileipa ta mâchhie ama sa.