ZAWHÂNA 10:8 - Mara Bible RV (BSI)

⁸ Keima ei vy hlâta a vypa zydua kha parutuhpazy nata hraotuhpazy châ ei ta, chavâta mietakuzy ta ama bie nathlie veih ei.

ZAWHÂNA 10:8 ပူးပေါင်းရင်းမြစ်များ

ZEREMIAH 23:1

“Ei sibiepa su liata mietakuzy pahleipadiapa ta a papaituhpa mietaku vaituhpazy ama hu a po na!” Abeipa ta a tah.

EZEKIA 34:2

“Chyhsa sawchapawpa y, Izarei mietaku vaituhpazy hnohta hrohsona bie phuah teh. Mietaku vaituhpazy hnohta hrohsona bie cha phuah tlai la, ama hnohta hetana heta reih teh. Abeipa Zehôvâh ta hetana heta a tah: Nâmosasyh â pasapa Izarei mietaku vaituhpazy nama hu a po kaw dia! Mietaku vaituhpazy cha mietakuzy ama pasa awpa châ vei ma?

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

ZEKARIA 11:16

Moh teh, aleipazy pahno leipa ta viavipazy a tlua leipa, hmahphaohpazy patlâh leipa ta tlâhleipazy a deichhy leipa, mietaku thawhpa sazy tlao nie khaipa ta ama chakiezy taihta a hriechheihpa mietaku vaituhpazy râh liata ei padua aw.

ZAWHÂNA 10:1

“Hmeiseihta ta, hmeiseihta ta ei cha chho ei, ahy rai mietaku sadô ochhi liata a ngia leipa ta, su hro lâ tawhta kiah ta a ngiapa cha, cha chyhsa cha parutuhpa nata hraotuhpa a châ.

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

ZAWHÂNA 10:5

Khichhaipa ao cha ama pahno leipa vâta, ano cha pazi leipa aw ei ta, tlao amâ râsai aw,” tah ta.

HMOTAOPAZY 5:36

Cha hlâna chhao khata Theudâ vaw pua ta, chyhsa peimawhpa a châpa ta a reih ta, chyhsa hluhpi, za palih rachhôh ta ano cha zi ei ta. Ano ama thie nahta, a zituhpa zydua cha pai khai ei ta, khâpa hmah châ khao veih ei.