ZAWHÂNA 10:7 - Mara Bible RV (BSI)

⁷ Chavâta Zisu ta ama hnohta reih heih ta, “Hmeiseihta ta, hmeiseihta ta ei cha chho ei, kei he mietaku ochhi cha ei châ.

ZAWHÂNA 10:7 ပူးပေါင်းရင်းမြစ်များ

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 79:13

Keimo na phopi, na sibiepa su liata mietakuzy deikua ta cha, Chhâzaw ta alyna bie cha hlâ aw pi ta; Chhâ zydua ta na reithaina hla eima chanei lymâ aw.

HLAZY 95:7

Ano cha eima Khazohpa châ ta, A sibiepa su liata a chyhsazy châ pi ta, A ku liata mietakuzy eima châ. Tanoh a ao nama thei khiahta cha,

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

EZEKIA 34:31

Nâmo cha ei sibiepa su liata ei mietakuzy nama châ. Chyhsapazy he ei mietakuzy cha châ ei chi ta, kei he nama Khazohpa ei châ, Abeipa Zehôvâh ta a tah.”

EZEKIA 36:38

Atheihna awpa sahroh zaw hawhta, kyhchhi nohzy liata Zerusale liata sahroh zaw hawh tlai ta, khihpi rypazy cha chyhsa zawzy ta ama bie aw. Chatanachata Abeipa ei châ tahpa ama pahno aw.”

ZAWHÂNA 10:1

“Hmeiseihta ta, hmeiseihta ta ei cha chho ei, ahy rai mietaku sadô ochhi liata a ngia leipa ta, su hro lâ tawhta kiah ta a ngiapa cha, cha chyhsa cha parutuhpa nata hraotuhpa a châ.

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

EPHESI 2:18

Ano siepahliepa ta Thlahpa miakha ta Paw a hnia theina eima py no ta eima hnei.