ZAWHÂNA 10:35 - Mara Bible RV (BSI)

³⁵ Khazohpa bie vaw tlôna chyhsazy hmahta khazohzy a tah khiahta cha, Biehrai bie cha parao thei awpa châ vei.

ZAWHÂNA 10:35 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

2 SAMUELA 7:5

“Vawh la nâ chakaotuhpa Dâvi hnohta, ‘Abeipa ta hetana heta a tah: Ei pahrâ nawpa o cha nâma ta eina sapa aw chi ma?

2 ABEIZY 15:12

Abeipa ta Zehu hnohta, “Izarei beidyuchhai liata na sawchapawzy chhâ palihna taih amâ tyuh aw,” tahpa ta bie a taih ta. A bietai hawhta a vaw tlôpa a châ.

1 THÂTIHZYRONA 22:8

Châhrasala Abeipa bie ei hnohta vaw tlô ta, ‘Nâ la thisaih thata palo chi ta, adyuhna ru ngaitapazy a dyuhpa ta, ei hmiakô liata alei chô liata thisaih thata na palopa vâta, ei moh châta o sa aw va chi.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

MATHAI 24:35

Lei nata vâ a lei aw, ei biezy deikua lei aw vei.

MATHAI 27:35

Ama khaipâ khai nahta, nuby a daopa ta a chysiazy a rai ei ta.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

LUKA 16:17

Châhrasala ryhpa bie miakhata chhao a lei awpa hlâta, alei nata avâ leidia awpa a nao via.

ZAWHÂNA 10:34

Zisu ta âmo cha a chhy ta, “Nama ryhpa châbu liata, ‘Khazohzy nama châ ei cha tah ei,’ tahpa ropa châ vei mâ?

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

ZAWHÂNA 19:28

Cha khai tawhta, Zisu cha hmo to a tlô paki khai hapa pahno ta, Biehrai paki nawpa ta, “Ei dâh a phi,” tah ta.

HMOTAOPAZY 1:16

Pity ta, “Unawh saih u, Thlahpa Pathaihpa ta Dâvi pakah ta Zisu patutuhpazy lâpi a chhotuhpa Zudâh kyh a vaw rei chhieliepa Biehrai bie kha, a vaw tlô awpa rai a châ.

RAWMA 13:1

Chyhsa to ta ama chô liata ryureituhpazy bie ama zyh awpa a châ. Khazohpa rao leipa ryureituhpa y veih ei. Ryureituhpazy cha Khazohpa raopa ama châ.

RYHPACHANEINA 18:15

“Abeipa nama Khazohpa ta keima hawhpa hrohsopa nama unawhzy hry tawhta cha paduapa aw ei ta, a bie nama nathlie awpa a châ.

1 SAMUELA 15:1

Samuela ta Sawla hnohta, “Kei he Abeipa ta a phopi Izarei chô liata bei châta sathaw cha thu awpa ta nâ lâta eina vaw tuapa kha châ na ta, chavâta tahmâ Abeipa bie reipa he nathlie teh.

1 SAMUELA 28:6

Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.

1 SAMUELA 30:8

Dâvi ta Abeipa a saohiah ta, “Pheisaihzy cha ei chadai aw ei ma? Ei pha aw ei ma?” tah ta. Abeipa ta a chhy ta, “A chadai teh, âmo cha pha cheingei aw chi ta, na chyhsazy na pachha khai heih aw ei,” tah ta.