ZAWHÂNA 10:3 - Mara Bible RV (BSI)

³ Ochhi vaituhpa ta ano cha a pahypa tyh. Mietakuzy ta a ao thei ei ta, ano ta a mietakuzy cha ama moh ta aw chyu ta, a chhihtha tyh ei.

ZAWHÂNA 10:3 ပူးပေါင်းရင်းမြစ်များ

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

PUASAINA 33:17

Abeipa ta Mawsi hnohta, “Ei modypa ta y chi ta, na moh ta ei cha pahnopa na châpa vâta, na reipa chhao cha ei tao aw,” tah ta.

BIESOZY 27:23

Na mietaku zawzy duahmo pahno pasia la, Na sahroh zawzy a phapa ta vaih mah y.

HLAZY HLA 8:13

Hy nâ sadôzy liata a pahrâpa y, Viasazy ta na ao ama cha nathlie, Kei chhao na ao thei hraw sah y.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ZAWHÂNA 10:14

Mietaku vaituh phapa ei châ. Keima eihzy pahno ei na ta, keima eihzy ta eina pahno ei,

ZAWHÂNA 10:16

He mietaku sadô liata a y leipa mietaku hropazy ei hnei. Âmo chhao a vaw chhi aw ei na ta, ei ao ama thei hra aw. Chatanachata zaw kha ta y aw ei ta, vaituhpa pakha ama hnei aw.

ZAWHÂNA 10:4

Ano eih zydua a papua khai nahta, ama hmia lâta sie ta, a ao ama pahnopa vâta, mietakuzy ta ama pazi tyh.

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

ZAWHÂNA 6:37

Paw ta eina piepa maih kei lâ amâ vy khai aw. Ahy rai kei lâ a vypa maih cha dytha cheita aw va na.

ZAWHÂNA 6:45

Hrohsopazy châbu liata, ‘Khazohpa pachupa ta ama y khai aw,’ tahpa ropa a châ. Paw bie thei ta, a chupa maih cha kei lâ amâ vy tyh.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

1 KAWRINI 16:9

Chakaona hlaotloh nawpa ta ei châta ochhi kawh ngaitapa â pahy. Dyuhtuhpazy chhao ama hluh ngaita.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 ZAWHÂNA 4:6

Keimo cha Khazohpa tawhtapa châ pi ta, Khazohpa a pahnopa maihta eima bie nathlie ei ta, Khazohpa tawhtapa a châ leipazy deikua cha, eima bie nathlie veih ei. Cha liana chata Thlahpa dopa nata thlahpa doleipa eima pahno.

3 ZAWHÂNA 1:14

Cha hmô patoh awpa hnabeiseih na ta, cha tina chata hmiachhypa ta bie eima reih khoh aw.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.