ZAWHÂNA 10:10 - Mara Bible RV (BSI)

¹⁰ Parutuhpa cha paru awpa nata thie awpa nata parao awpa leipa ta cha a vy vei. Kei la, hrona ama hnei nawpa ta, â kipa ta ama hnei nawpa ta a vypa ei châ.

ZAWHÂNA 10:10 ပူးပေါင်းရင်းမြစ်များ

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 18:11

Chyhsa Sawchapawpa cha leidiapazy pachha awpa ta a zupa a châ.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

MATHAI 21:13

Ama hnohta, “‘Ei o cha thlahchhâna o tahpa a châ aw’ tahpa ta ropa châ ta, nâmo deikua ta parutuhpazy lôpu ta nama tao haw,” tah ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MÂKA 11:17

Âmo cha pachu ta, ama hnohta, “‘Ei o cha phopi zydua châta thlahchhâna o ama bi aw,’ tahpa ta ropa châ vei ma? Nâmo deikua ta cha, parutuhpazy lôpu ta nama tao ha he zaw,” tah ta.

LUKA 19:10

Leidiapazy tlua ta pachha awpa ta, Chyhsa Sawchapawpa he â zupa rai a châ,” tah ta.

ZAWHÂNA 10:1

“Hmeiseihta ta, hmeiseihta ta ei cha chho ei, ahy rai mietaku sadô ochhi liata a ngia leipa ta, su hro lâ tawhta kiah ta a ngiapa cha, cha chyhsa cha parutuhpa nata hraotuhpa a châ.

ZAWHÂNA 10:11

Kei he mietaku vaituh phapa ei châ. Mietaku vaituh phapa cha mietakuzy châta a hrona a pie.

ZAWHÂNA 12:47

Chyhsa ta ei biezy thei ta, a zyh leipa chhao ta, ano cha pachia aw va na. Khizaw pachia awpa ta a zupa châ leipa na ta, khizaw pachha awpa ta a zupa tlao ei châ.

ZAWHÂNA 12:6

Chyhsa dyhchhiepazy a pachâpa vâta châ leipa ta, parupa châ ta, tâkâ sahria â vaopa chhôh liata sopazy a la tyhpa a châpa vâta, cha bie cha a reipa a châ.

ZAWHÂNA 3:17

Khizaw thailei pachâsa awpa ta Khazohpa ta a Sawchapawpa khizaw lâ a tuapa châ vei, ano vâta khizaw pachhapa ta a y thei nawpa ta a tuapa tlao a châ.

ZAWHÂNA 5:40

Chatanachôta hrona hnei awpa ta kei lâ a vy khoh veih ei chi.

ZAWHÂNA 6:33

Khazohpa viahchhâ cha vârâh tawhta a zupa, khizaw lâta hrona a pietuhpa a châ,” tah ta.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

RAWMA 2:21

Cha hawhpa na châ hnohkua cha, nâ, mohropazy pachutuhpa, nâmasasyh ta a pachu va chi mâ? Nâ, paru lei awpa biechhotuhpa, na paru tyh ma?

1 TIMAWTHY 1:15

Krista Zisu cha moleipazy pachha awpa ta khizaw lâta â zu tahpa he, bie ngâchhihpa nata a pyh tlâh ngaitapa a châ. Kei he moleipazy hry liata molei chaipa ei châ hih.

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.