ZAWHÂNA 1:50 - Mara Bible RV (BSI)

⁵⁰ Zisu ta a hnohta, “‘Theiku kô ry liata ei cha hmô’ ei cha tahpa vâta nâ ngiapâpa na châ ma? Chazy hlâta hmo rônah viapa na hmô aw,” tah ta.

ZAWHÂNA 1:50 ပူးပေါင်းရင်းမြစ်များ

MATHAI 13:12

A hneipa hnohta pie baichhapa châ aw ta, a hluhpi a hnei aw. A hnei leipa deikua cha, a hnei chhôhpa chhao, ano tawhta lapa a châ aw.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

MATHAI 25:29

Ahy rai a hneipa cha, pie baichhapa châ aw ta, a hluhpi a hnei aw. A hnei leipa deikua cha, a hnei chhôhpa chhao lapa a châ aw.

LUKA 1:45

Abeipa ta a hnohta bie a reipa a vaw tlô aw tahpa a zopa chanô cha a nohlao na,” tah ta.

LUKA 7:9

Zisu ta cha biezy cha a thei nahta, a chô liata a noâh ngaita ta. Ano zituhpa zawpizy lâ a heih ta, ama hnohta, “Ei cha chho ei, Izarei lia hmahta he tlu ta ngiapâna he hmô va na,” tah ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

ZAWHÂNA 11:40

Zisu ta a hnohta, “Nâ ngiapâ khiahta la, Khazohpa rônahna na hmô aw, cha tah va na ma?” tah ta.

ZAWHÂNA 20:29

Zisu ta a hnohta, “Nâ la eina hmôpa vâ chi ta a ngiapâpa châ chi ta, hmô leipa ta a ngiapâpazy cha ama nohlao na,” tah ta.