ZAWHÂNA 1:45 - Mara Bible RV (BSI)

⁴⁵ Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 1:45 ပူးပေါင်းရင်းမြစ်များ

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 53:2

Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

ZEKARIA 6:12

A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 10:3

Phili nata Bâthawlawmu; Thawma nata chhiekheituhpa Mathai; Alphu sawchapawpa Zâmie nata Thâdia;

MATHAI 13:55

He chyhsa he zôthaipa sawchapawpa kha châ vei ma? A nô chhao Mâri ama tahpa kha châ vei ma? A unawhzy chhao Zâmie, Zawsi, Saimaw nata Zudâh zy châ veih ei ma?

MATHAI 2:23

Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

MATHAI 21:11

Zawpizy ta, “He he hrohsopa Zisu, Kâlili râh Nâzari khihpa a châ,” tah ei ta.

MÂKA 14:67

Pity mei â aihpa hmô ta, moh ta, a hnohta, “Nâ chhao he Nâzari chyhsa Zisu hnohta a ypa kha na châ hra,” tah ta.

MÂKA 6:3

He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta.

LUKA 18:37

Chyhsazy ta, “Nâzari Zisu a vaw sie hai,” tah ei ta.

LUKA 2:4

Zawsi chhao Dâvi chhôhkha nata a pathla a châpa vâta, Kâlili râh Nâzari khih tawhta Bethlehe ama tahpa Zudia râh Dâvi khihpi lâ sie ta.

LUKA 2:48

A nôpawzy ta ama hmô nahta, ama noâh ngaita ta, a nô ta a hnohta, “Ei sawchapawpa, khazia he hawhta miah na tao? Na paw nata thlazoh ngaitapa ta thata eima cha tlua,” tah ta.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

LUKA 24:44

Chatawhcha ama hnohta, “Hezy he ei rei tyhpa, Mawsi Ryhpa liata nata Hrohsopazy Châbu liata nata Hlazy liata ei thâtih ropa zydua a vaw tlô khai awpazie nama hnohta ei y nota ei cha chho tyhpa ei kha a châ,” tah ta.

LUKA 3:23

Zisu cha chakaona rai â thao nota, kô sythôh rachhôhpa châ ta, chyhsapa lâ tawhta cha Zawsi sawchapawpa a châ. Zawsi cha Heli sawchapawpa châ ta,

LUKA 4:22

Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

ZAWHÂNA 1:44

Phili cha Besaidâ khihpa châ ta, cha cha Adaru nata Pity yna khih a châ.

ZAWHÂNA 12:21

Chazy chata Kâlili râh Besaidâ khihpa Phili lâ a vy ei ta, a hnohta, “Pâpuh, Zisu eima hmô khoh,” tahpa ta a haw ei ta.

ZAWHÂNA 14:8

Phili ta a hnohta, “Abeipa, Paw cha miah pahmô teh, cha cha eima châta â daih na,” tah ta.

ZAWHÂNA 18:5

Âmo ta a chhy ei ta, “Nâzari Zisu,” tah ei ta. Zisu ta ama hnohta, “Keima he ei châ,” tah ta. A patusatuhpa Zudâh cha ama hry liata a duah ta.

ZAWHÂNA 18:7

Zisu ta, “Ahy nama tlua?” tahpa ta âmo cha hiahri chanei ta. Âmo ta, “Nâzari Zisu,” tah ei ta.

ZAWHÂNA 19:19

Pilâ ta châ roh ta, kraws pawhmao liata tawh ta, châ tawpa cha, “Nâzari Zisu, Zuzy Beipa,” tahpa ta ropa a châ.

ZAWHÂNA 21:2

Saimaw Pity, Maphieh ama tahpa Thawma, Kâlili chyhsa Kena khihpa Nâthaniah, Zebâdi sawchapawzy nata a pachupa hropa panozy chhaota hmaohkha ta y ei ta.

ZAWHÂNA 6:42

“He he Zawsi sawchapawpa Zisu kha châ vei mâ? A nô nata a paw eima pahnopa kha châ vei ma? Tahmâ kheihtazieta ma, ‘Vârâh tawhta a zâ chôpa ei châ,’ a tah tly?” tah ei ta.

ZAWHÂNA 6:5

Mohmia pasaih ta, zawpi hluhpi ano lâ ama vaw pangaipa hmô ta, Phili hnohta, “He sahlaozy nie awpa viahchhâ khataih liata eima chalei aw?” tah ta.

ZAWHÂNA 6:7

Phili ta a chhy ta, “Chyhsa to ta a chyhta sai ama to awpa châta chhao, tâkâ dinâri za no mâ viahchhâ ta a daih aw vei,” tah ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 22:8

Kei ta, ‘Abeipa ahy ma na châ?’ tah na ta. Ano ta ei hnohta, ‘Nâzari Zisu na taolapa kha ei châ,’ tah ta.

HMOTAOPAZY 26:9

“Kei chhao he Nâzari Zisu moh chakhiapa ta hmo hluhpi tao awpa pha a tahpa ei vaw châ hra.

HMOTAOPAZY 3:6

Pity ta, “Tâkâ nata ngôh hnei va na, châhrasala ei hnei chhôhpa ei cha pie aw. Nâzari Zisu Krista moh ta thyu la, na phei ta sie teh,” tah ta.